Preziydent tapsyrmasy boyynsha Ýkimetbasy Ontýstik júrtyna saparlap qaytqan edi. Keshe.  

Ýkimetbasy sapar barysynda Ontýstikting student jastarymen kezdesipti. Kezdesu barysynda ýshtildilikting manyzdylyghy jayly sóz bolghan.

Shymkentte  ónir jastarymen kezdesken premier-ministr texnologiya sharyqtap damyghan zamannyng artyqshylyqtaryna toqtalyp, býginde kez-kelgen aqparatty ghalamtor arqyly onay alugha bolatynyn atap ótti. Sonymen qatar Elbasynyng ýshtúghyrly til sayasatynyng manyzdylyghyn da jetkizdi.

"Elbasynyng aityp jýrgen ýshtúghyrly tili - eng basty mәsele sol. Tek qana bir qazaq tilimen qalamyz deu - ol qate. Qalay týsinsenizder de, biraq bolashaqqa shyghamyn deytin bolsanyz, ýsh til bilu kerek.

Qazaq tilin, orys tilin, aghylshyn tilin. Men ylghy da aitamyn, bizding ýlken aghalarymyz qajeti joq deydi. Ol balalarynyng bolashaghyna qarsy degen sóz. Býgin mýmkin qajeti joq, erteng qajeti bolady. Erteng siz maghan dәriger retinde oqyp shyghyp mysaly, jana texnologiyagha kelgen kezde, sony paydalanatyn kezde ol jaqta aghylshynsha ghoy, qaydan alasyz? Kimning artyn izdep jýresiz? Bolmasa oryssha jazylady. Qaydan alasyz?

Men aitamyn, orys tili kezinde Qúdaydyng bergen bizding baqytymyz. Qazir biz bәrimiz oryssha sóiley alamyz. Erkin, eshkimning ýiretuding qajeti joq. Biz eki tildi bilemiz, endi ýshinshi tildi mengeruimiz kerek. Elbasynyng aityp otyrghany sol. Ýsh túghyrly til! Osyny bizding jastarymyz bilip, mektepten bastap ýirenetin bolsa, onda bizding bolashaghymyz zor. Kez-kelgen jerge baryp júmys istey alamyz",-dedi Baqytjan Saghyntaev. Búl Ýkimetbasynyng sózi. Nur.kz sayty solay dep jazady.

Odan ózge premier-ministr byltyr Amerika eline barghan kezinde kuә bolghan, quanyshty sәtimen de bólisti.

"Biz bir jyl búryn Amerikada boldyq, San-Fransiskoda. Qazaqtyng qyz-jigitteri jýgirip keldi. "Qaydan jýrsinder?" desem, "osy jerde júmys jasaymyz" deydi.

Google-de istep jýr, Facebook-ta jýr. Maqtanasyng ba? Maqtanasyn. Eger de ol enbektenip, talpynyp oqymasa, qaydan barady ol jaqqa?", - dep jastardy birneshe til ýirenuge shaqyrghan ýkimet basshysy kezdesu sonynda jas buyn ókilderinen "tilimiz shorqaq, burokratiyalyq bolsa, keshirim súraymyz" dep kezdesudi qorytyndylady.

Abai.kz