Ýkimet basshysy Baqytjan Saghyntaev bólingen qarajatty iygere almay jatqan ministrlerge qatang eskertu jasady, - dep habarlaydy Abai.kz aqparattyq portaly. Keybir sarapshylardyng boljamynsha, búl eskertuding sony aldaghy kýnderi birneshe ministrding taghynan týsuimen tәmamdaluy mýmkin.

Býgingi  Ýkimet otyrysynda birqatar ministrler  2018 jyldyng 5 aiynyng qorytyndysy boyynsha respublikalyq budjetting oryndaluy turaly bayandama jasady.

Sol bayandamalargha kónili tolmaghan Ýkimetbasy Baqytjan Saghyntaev eger de shyn mәninde qarjy iygerilmese, alty aidyng qorytyndysymen aqshanyng bәrin keri qaytaryp alatynyn qatang eskertti.

«Bostan-bos ústap otyrghannan góri, basqa ministrlikterding tarapynan súranystar týsip jatyr. Ózining jolymen shyghyp, aqshany uaqytynda tiyimdi iygeru qajet. Joldargha ýlken tapsyrmalar boldy, Jenis Mahmúdúly. Qauip bar. Mәdeniyet jәne sport ministrligi viziyt-ortalyqtaryn soghyp bitem degenshe turistik mausym ótip ketedi. Áli konkurs ótpegen. JSQ-sy joq. Onda aqshany nege súrady? Auyl sharuashylyghy, Qarjy ministrligi de... Qosymsha mine, qarjy súrap otyrsyzdar. 42 mlrd degen dayyn túr, mine. Alu kerek te - basqa salagha salu kerek. Bәribir odan payda joq», - dedi ol.

Sóz sonynda Ýkimet basshysy: «Elbasynyng tapsyrmasy boyynsha Ýkimet qarjyny bóldi. Parlament qoldady. Budjet qabyldandy. Biraq, qarjy iygerilmeydi. Qashanghy kýtip otyramyz? Ne ekonomikada ósim joq, ne halyqtyng aldynda aitatyn sóz joq. Esep berilgen kezde bәrin de qatyryp jatyrmyz dep aitamyz. Odan keyin bәri úmyt qalady. Aytpady demenizder, qúrmetti әriptester! Songhy sóz - jarty jyldyng qorytyndysynan keyin bólingen, alayda iygerilmegen qarjy basqa salagha júmsalatyn bolady. Ary qaray ózderiniz bilesizder. Halyq pen Elbasynyng aldynda ózderiniz jauap beresizder», - dedi.

Ýkimet basynyng býitip basa sóileui bir tyqyrdyng tayap kele jatqanynyng belgisi. Budjetti dúrys iygermey, songhy kezde kóp synnyng astynda qalghan birneshe ministr oryndarynan ketuge qamdana berse bolady.

Aqorda jaqtan soqqan jelding sybdyry ol tizimde Bilim jәne ghylym ministri Erlan Saghadiyev pen júqpaly dert kelgende qol qusyryp qarap qalghan Densaulyq saqtau minsitri Eljan Birtanov bar eken-mis deydi.

Kemel Tútqyshev

Abai.kz