(tughan kýnine oray oitolghau)

Ardaqty Shәkәrim ata!

Býgin, tap osy kýni siz 160 jasqa tolypsyz! Kim toylap jatyr, qayda toylap jatyr, toylap jatyr ma ózi – ony men aita almaymyn! Biletinim – jaryq dýniyede bar kezinizde jarytyp jaqsylyq kóre almaghanynyz! Ras, jastay әkeden airylyp, úly Abayday danagóiding tәrbiyesinde boldynyz, aqyl-kenesin tyndap, óner degen qasiyetti kóshke ilestiniz!

Siz bayaghy ghúlama babalarynyz – Ábunasyr Ál-Farabi, Abyz Ahmet Iassauy ótken sara jolgha soqpaq salyp, kóp til biluge talpyndynyz, sosyn da arab, parsy,týrik, tipti orys tilderine de jetik bolyp qalyptastynyz. Siz ghalymdyq joldy da asa qadirlep, ghylymy enbekter týzuge barynsha beldi bekem buyp, shejire kitabyn, músylman sharty tolghamyn dýniyege әkeldiniz. Búl ghana ma, joq, siz últ poeziyasyna da ólsheusiz ýles qosyp, «Qalqaman-Mamyr», «Enlik-Kebek», t.b. dastandardy tudyrdynyz. Al, búdan da bólektep, erekshe manyz bere aitarlyghy – Siz orys oiynyng alyby, kórkem әdebiyetting asqar shyny Lev Tolstoymen terezesi teng kisidey tildesip, hat jazystynyz, búny ekining biri istey alar ma? Qysqasy, Shәkәrim atay (siz menen jýz jas ýlkensiz, ata demeske bolar ma), qazaq degen halyqqa osynshama úly múra jasap, ólsheusiz enbek sinirip kele jatsanyz da, ótken ghasyrdyng otyzynshy jyldaryndaghy ylang kezeng sizding qadirinizge jetken joq!

Sizdi oy dengeyi kindiginen de tómen bir topas (bәlkim, bireu emes, birnesheu) myltyq kezedi de, atty da tastady! Oi, Tәnir atqyr-ay! Oi, jetesiz-ay! Sizdey oy alybyna qalay ghana qol kóterdi eken? Áy, biraq, ómirinde sizding biyikke kóterilip kórmegen tasmandaygha nege olay etting deuding ózi aqymaqshylyq! Jetesiz ghoy, jetesizge ne etesiz?

Atajan, siz býginde egemen elimizben birge jas úrpaq jadynda jattalyp, ataghynyz aspandap túrghanyn bilmeysiz-au! Álde, bilip jatyr ma ekensiz? Qalay desek te, әr isting artyn dúrystaghan jaqsy-aq, sonynyng qayyryn bersin deytini sodan ba eken! Sizge endi eshtenening de keregi joq, býgingi úrpaghynyzgha jýz alpys jastyng biyiginen kóz sala qarap túrsyz. Biraq, biz sizdi izdeymiz, sizdey oy alyptaryn saghyna ansaymyz!

Sizder nege... sonshama azsyzsyzdar? Nege tym siyrek tuasyzdar? Sizge qúttyqtau sózimdi arnay otyryp, osy joldardy sonshalyq qamyghyp jazyp otyrghanym da ras! Myna qamyghynqylau halqyndy ólmes ruhynmen, kónermes parasat-payymynmen demey bershi, Tolstoy biyigindegi oishyl Túlgha!

Joltay Júmat-Álmeshúlynyng Facebook-tegi paraqshasynan

Abai.kz