Kezekti enbek demalysynan oralsam, qúzyrly organdargha jazghan biraz hattardyng jauaby kelip ýlgeripti. Sonyng biri «Astana qalalyq kóshi-qon polisiyasy qújat qabyldaudyng esh jerde joq «ýlgisin» jasap alypty» atty maqalamyzgha oray kelgen jauap eken.

Esterinizde bolsa, osydan biraz uaqyt búryn Astana qalalyq kóshi-qon polisiyasy qyzmeti basqarmasynyng túraqty tirkeuge túrugha jәne azamattyq alugha ótinish bildirgen qandastarymyzdan qújat qabyldaghanda qandastarymyzdyng ótinishin, ómirbayanyn tóte jazumen (Ahmet Baytúrsynúly әlipbiyimen) jazdyrtyp jәne saualnama-ótinishin tóte jazumen (Ahmet Baytúrsynúly әlipbiyimen) toltyrtyp, ony audarma ortalyqtaryna bizding qazirgi qoldanystaghy kirillisa әlipbiyine audartyp, ol audarmany notariuspen bekittirip baryp qabyldap jatqany turaly «Abai.kz» aqparattyq portalyna jazghan bolatynbyz. Maqala jazyp qana qoymay, ol maqalany «Aqedil» jastar shygharmashylyghy qoldau qoghamdyq qorynyng diyrektory Gýlishan Domalaydyng atynan «Núr Otan» partiyasyna tirketip, Astana qalasynyng prokuraturasyna jibergenbiz. Qalalyq prokuratura ol hatty Astana qalasy boyynsha memlekettik qyzmet isteri jәne sybaylas jemqorlyqqa qarsy is-qimal departamentine anyqtaugha joldapty.

Mine, sol qalalyq memlekettik qyzmet isteri jәne sybaylas jemqorlyqqa qarsy is-qimal departamenti ótinishte tirkelgen mәsele negizinde 16-30 mamyr aralyghynda Astana qalalyq ishki ister departamentining Kóshi-qon qyzmeti departamentine kezekten tys tekseru jýrgizip, qyzmet týri boyynsha arhivterdi aqtaryp, jauapty qyzmetkerlerden týsinikteme alypty.

Departament basshysy jәne әdep jónindegi kenes tóraghasy S.Taskinnyng qoly qoyylghan jauap hatta «Tekseris barysynda, QR azamattyghyn aludy tirkeu memlekettik qyzmetine qatysty normativtik qúqyqtyq aktiler normasyna say kelmeytin talaptar anyqtaldy. Kóshi-qon basqarmasynyng qyzmetkerleri men memlekettik qyzmet kórsetu kezinde qyzmetalushylardan ótinishti, saualnamany jәne ómirbayandy memlekettik nemese resmy tilde beru mýmkindigi joq qyzmetalushylardan kórsetilgen qújattardy óz qolymen toltyryp, memlekettik nemese resmy tilge audarudy jәne ony notariuspen kuәlandyru talaptary qoyylghan.  Yaghni, Sizding ótinishinizde keltirilgen faktiler rastaldy jәne tekseris barysynda joyyldy, sonday-aq Astana qalalyq ishki ister departamentining basshylaryna tiyisti úsynymdar joldandy» delingen.

Sóitip, qandastarymyzdyng qújattanuyna qarjylyq ziyan jәne kedergi keltirtetin «býirekten shygharylghan» bir siraq kesildi.

Aytpaqshy, biz kótergennen deyin búl kelensizdikting beleng alghanyna birshama uaqyt bolghan. Ókinishke oray, bizding qoydan qonyr, qozydan momyn qandastarymyz «Aytsaq, bәle bolady!» dep, aitqangha kónip, aidaghangha jýre bergen ghoy.

Esterinizde bolsyn, Zandar men normativtik qújattarda  Túraqty tirkeuge túrghanda nemese azamattyqqa qújat tapsyrghanda barlyq qújat qolmen jazylsyn degen talap joq, kompiutermen terip әkelse de bola berdi. Búl – bir.

Ekinshiden, «Aytsaq, bәle bolatyn!» týgi de joq, aitu kerek, jazu kerek. Qandastarymyz sergek qimyldap, Zang talaptaryn saqtau turaly Kóshi-qon qyzmetkerlerine talap qoya bilui tiyis! Eger, qolda bar Zannyng mýmkindigin paydalana almasaq, sorlaghanymyz – sorlaghan! Elbasynyng qoly qoyylghan Zandy dúrys atqaru jәne atqartu bәrimizge paryz!

Atalghan kelensizdik turaly Almatydan Yrysbek Toqtasynúly bauyrymyz telefon shalyp, onyng jiyeni kómektesip jýrip, tóte jazugha audarylyp, notariustalghan qújattyng kóshirmesin bir aghayynnan zorgha alyp, búl mәseleni bizding kóteruimizge mýmkindik tudy. Áytpegende, býgin Astanada bastalghan búl zansyzdyq erteng Aqmolada, arghy kýni Qostanayda... jalghasyp, býkil respublika kóleminde qanat qaghar ma edi, kim biledi?!

Sol ýshin, Astana qalasy boyynsha memlekettik qyzmet isteri jәne sybaylas jemqorlyqqa qarsy is-qimal departamentine zor alghys aitamyn!

Auyt Múqiybek

06.08.2018

Astana

Abai.kz