Qazaqstannyng Bas prokuraturasynyng tergeu toby Týrkistan oblysy (búrynghy Ontýstik Qazaqstan oblysy) Abay auylynda "zorlanghan balanyn" isin toqtatty. Búl turaly Bas prokuratura habarlady.

Prokuraturanyng mәlimdeuinshe, "zorlanghan bala" isi boyynsha 14 keshendi sot saraptamasy men tórt týrli zertteu jýrgizilgen. "Oqighanyng shynayylyghyn anyqtau maqsatynda sot saraptamasy, medisinalyq, psihologiyalyq-psihiatrlyq, biologiyalyq, molekulyarlyq-genomdyq saraptamalar jýrgizildi. Zardap shekken taraptyng ókilderining ótinishi boyynsha iske Resey, Qyrghyzstan jәne Gruziyadan kelgen jekemenshik jәne memlekettik sarapshylar qatysty. Sonday-aq, iske balalar dәrigerleri júmyldyryldy" dep habarlady prokuratura.

Qazaqstan Qylmystyq kodeksining 15-babynyng 2-tarmaghyna say, seksualdyq zorlyq ýshin jauapkershilik 14 jastan bastalady."Tórt kýdiktining ishinde tek bireui ghana 14 jasqa tolghan. Onyng isi Qylmystyq kodeksting 121-babynyng 4-bóligine ("Kәmeletke tolmaghan balagha qatysty seksualdyq sipattaghy zorlyq-zombylyq әreketteri") sәikes dep tanyldy. Qalghandaryna qatysty qylmystyq is toqtatyldy. Sebebi olar 14 jasqa tolmaghan. Oqighanyng basqa mәn-jayy jariyalanbaydy" dep habarlady Bas prokuraturanyng baspasóz qyzmeti.

Biyl 13 nauryzda Saryaghash audanyndaghy Abay auylynda túratyn Sharipa Batyrbekova Azattyqqa jeti jastaghy jiyenin 2017 jyldyng tamyzynan beri jogharghy synyp oqushylary birneshe mәrte "úryp, zorlaghanyn" aytqan. Ol jergilikti polisiyagha der kezinde shaghymdanghanymen, tek ýshinshi ret barghanda ghana aryzyn qabyldaghanyn jetkizgen. Búl habar әleumettik jelige keng tarap, jergilikti BAQ-tyng nazaryna ilinip, әleumetting ashu-yzasyn tudyryp, qatty talqylaugha úlasqan.

Abai.kz