Oral qalalyq әkimdigi men oblystyq ishki sayasat basqarmasyna jaqyn jerdegi ortalyq kóshede ornalasqan «Zeynetaqy tóleu jónindegi memlekettik ortalyq» memlekettik mekemesining dәl aldynda Memlekettik Tuymyz kópten beri túghyrynan tómen týsip, últtyq aza tútu kýnindegidey salbyrap túr! Al, «QR Memlekettik rәmizderi» turaly Zannyng 4 -babynda: "Últtyq aza tútugha baylanysty Memlekettik Tu últtyq aza tútu merzimi ishinde tómen týsiriledi» delingen.

Ortalyqta ornalasqan memlekettik mekemelerding aldyndaghy kók Bayraghymyzdyng týri mynau bolsa, qalanyng shetinde nemese tasada ornalasqan mekemelerdegi memlekettik Tulardyng týri qanday ekenin oilasang qanyng qarayady.

Óz elimizding Tuyn qúrmettey almasaq, jastargha qaydan patriottyq tәrbie beremiz, memlekettik mekeme basshylary rәmizderge nemqúrayly qarasa, qarapayym adamdargha Tu men Eltanbany qúrmette dep qalay aitamyz?!

Jergilikti jerdegi Memlekettik rәmizderding dúrys ornalasuyn qadaghalau organy - ishki sayasat basqarmasy qayda qarap otyr eken?

Jergilikti biylik búl jaghdaydy aua-rayyna baylanystyruy mýmkin. Alayda, elimiz tynysh zamanda aua-rayyna baylanystyru kýlkili jaghday.  Sebebi, Tudy tómen týsiretindey  Oralda  qalasynda qatty jel túryp «Tayfun» bolyp,  siklon soqpady (ondaydyng betin әrmen qylsyn). Sonymen qatar  «Zeynetaqy tóleu jónindegi memlekettik ortalyq» respublikalyq qazynalyq  memlekettik kәsiporynda birneshe qyzmetker júmys jasaydy. Ata-babalarymyz jaugershilik, qiyn -qystau zamanda  Qazaq Elining Bayraghyn esh tómen týsirmese, qúlatpasa, Oralda qaytalanatyn osynday jaghdaylar, әkim-basshylardyng patriottyq sezimning tómendigi jәne  Memlekettik rәmizderge degen nemqúrayly qaraulary bolyp tabylady.

Jergilikti әkim-basshylar elimizding shynayy patrioty  bolsa,  aza túta jaman yrym bastap túrghanday tómen týsip túrghan  Memlekettik Tudy zangha sәikes ornalastyruy jәne mekeme basshysynan shara alugha tiyis. Joq, әlde Kólginovting qaramaghyndaghylar aza tútu kýnin ansap jýr me?

Talghat Qatauov

Abai.kz