Aylyghy shaylyghyna jetpeytin kóp qazaqtyng kýnkóris kózi kredit bolghaly qashan. Bala-shaghanyng qamy dep amalsyz bank jaghalap jýrgen aghayyn qaryzdyng kýlip kirip, jylap shyghatynyn bilmeydi emes. Alayda, qysqa jip kýrmeuge kelmegen song amalsyz bankke boryshker bolyp shygha keledi. Sóitip, bererinde tuysynday tórine shygharghan qaryz iyeleri az uaqyttyng ishinde qarapayym halyqtyng moyynyna minip alady.

Qaryz arqalaghan qazaq jayly búghan deyin de kóp jazyldy. Áli de aitylar. Býgingi bizding әngime búl emes. Biz bankterdi tek qaryz tarqatatyn oryn deuden aulaqpyz. Bankting halyq ómirindegi manyzyn joqqa shygharugha eshkimning qaqysy joq. Ásirese sifrly tehnologiya kýsh alghan býgingi tanda elektrondyq banktik qyzmet kórsetu jýiesining jaqsaruy halyq túrmysyna kóp jenildik tudyryp otyr. Ádilin aitqanda búl baghytta elimizde eng ónimdi júmys istep túrghan ekinshi dәrejeli bank — Kaspi bank ekeni sózsiz.

«Kaspi Bank» 1991 jyldan beri júmys istep keledi. Tәuelsizdikpen birge ósip kele jatqan bank 2018 jyldyng qazan aiyndaghy esep boyynsha aktivterining mólsheri 1471,2 mlrd tengege jetip, elimizdegi 28 kommersiyalyq bankting ishinde tórtinshi oryn alghan. Kópshilik atalghan bankting qyzmet kórsetui qolayly әri sapaly ekenin aitady. Innovasiyalyq tehnologiyalardyng adam ómirin anaghúrlym jenildetkeni anyq. Sondyqtan kim bolsa da ómir saltynyng barynsha onaylasqanyn qalaydy. Elektrondy jýiede kerek-jaraqty satyp alyp, kommunaldyq tólem jasaudy mobilidi qosymsha arqyly jýzege asyru qyzmeti Kaspiy bankting asyghyn alshy týsirdi. Osy jýie arqyly bank halyqqa qolaylylyq jarata otyryp, óz esepterin týgendep aldy.

Elektrondy aqshanyng elimizde qarqyndy damyp kele jatqanyna mysal retinde aitayyq, tólem kartasyn paydalana otyryp internet jәne mobilidi banking arqyly jýrgizilgen tólem kólemderi 2016 jylmen salystyrghanda 2017 jyly 78,9%-gha ósken. Taghy bir mysal 2015 jyly elektrondy qapshyqty qoldanushylardyng sany 1 million kóleminde bolsa, 2017 jyly 1 qazandaghy esep boyynsha elektrondy aqsha jýiesinde tirkelgen «elektrondy әmiyan» sany 7,2 mln birlikti qúraghan. Búl mәlimetterdi Bas bankting arhiyvinen alghanymyzdy aita keteyik.

Qazaqstan aumaghynda elektrondy aqshany paydalanu turaly 2011 jyly Memleket basshysy Núrsúltan Nazarbaev «QR Elektrondy aqsha mәseleleri boyynsha ózgertuler men tolyqtyrular engizu turaly» zannamagha qol qoyghan. Qabyldanghan zang boyynsha elektrondy aqsha úghymy engizilip, qúqyqtyq mәrtebesi de aiqyndaldy. Zang boyynsha elektrondy qarjy jiberu basqa da tólem qúraldary, yaghny tólem kartasy, vekseli, tólem senimhattary siyaqty bank operasiyalary arqyly jýzege asyrylatyn boldy.

Osy baghytta «Kaspi Bank» halyqqa tiyimdi qyzmet kórsetip otyr. Alayda búl qyzmetterding barlyghy orys tilinde kórsetiletini ókinishti. Óz isin jaqsy biletin bank qyzmetkerleri memlekettik tildi mensinbey me degen zandy súraq tuyndaydy. Búghan sebep, «kaspi.kz» resmy sayty men «kaspi.kz» mobilidi qosymshasy memlekettik tilde mýlde júmys istemeydi. Tipti «Kaspi Bank» bankomattary da tek orys tilin qoldaydy.

«Kaspi Bank» salymshylary men «kaspi.kz» qyzmetin paydalanushylardyng kóbi qazaqtar ekeni sózsiz. Sebebi Qazaqstan halqynyng 70%-dan astamyn qazaq últy qúraydy. Demek Kaspiy bank memlekettik tildi jәne qazaq tildi tútynushylaryn qúrmettese búl kemshilikti týzetuleri kerek. Barlyq bankomattary men «kaspi.kz» resmy sayty jәne mobilidi qosymshasy memlekettik tilde qyzmet kórsetuin talap etemiz.

Quanysh Qappas

Abai.kz