Ýiimde qús jastyqqa jantayyp, auzym bolsa, anqayyp, teledidar kórip otyrghanmyn, «Qashan shәy dayyn bolady?» dep ólip otyrghanmyn, bir kezde әielim:

–Esik aldyna nópir halyq jinalypty! Seni shaqyryp túr! –degeni. Esik aldyna esiney shyqqanym sol, on shaqty jigit meni kóterip aldy da, qara sýliktey limuzinning ishine laqtyra saldy. Sodan, zymyrap otyryp, Aqordagha keldik. Janaghy jigitter meni dyryldata sýirep әkeldi de, preziydent taghyna ynq etkize otyrghyza saldy.

–Búl ne? –dep súradym men.
–Siz býginnen bastap preziydentsiz. Halyq sizdi qalaydy. –dedi biri.
–Al, jaraydy. Nege men preziydentpin? Joq. Bolmaymyn! Preziydent bolsam, jaghympazdar janyma jinalyp, ómir–baqy onbaymyn! –dedim men.
–Bolasyz! Halyq sizdi qalaydy.
–Jaraydy. Jasym toqsanda ghoy? Tonqayyp qalsam she?
–Qyryq jyl qynq demeysiz!
–Oybay–au, 130 jylgha deyin kim bar, kim joq?
–Óluge rúqsat joq!

Amal qaneki, qazirgi Toqaevtan keyin preziydent boldym! Ózimshe, jaghympazdardy janyma jolatpaymyn dep ant berdim. Sol kýni keshtetip, ýiime kelsem, esik aldynda bireu qolyn sozyp túr. «Amandasqaly túrghan shyghar?» dep oilap, janyna kelsem, ózimning eskertkishim! Qolynan sýiip, ishke kirdim. Áyelim aitady: «Jana ghana jaghympazdaryng qoyyp ketti, dyryldatyp, esik aldyn oiyp ketti...» deydi. Sәl shirene bastadym. Kónil toq, jýregim shoq. Ertenine meni qúttyqtaushylar kóshege jinalypty! Gýl shoqtaryn laqtyrghanda, jalp etip, qúlap qaldym. Tauday bolyp ýiilgen gýl arasynan basymdy qyltita qarap edim, bireu kelip shashymdy tarady, ekinshisi ýstimdi gýl japyraqtarynan tazalay bastady, ýshinshisi tufliyimdi sabyndap jua ketti. Shirene týstim. Belim qaqidy da qaldy. Sóileuge erinemin.

Preziydent bolu rahat eken ghoy? Jer qazbaydy, shahtagha týspeydi, mal baqpaydy. Kýn úzaq kabiynetimde otyryp alyp, klastastarymmen vasap arqyly hat jazysumen boldym. Oqta–tekte, teledidardan mәlimdeme jasap qoyamyn: «Qazaqstan qatyndary! Davay, tua berinder! 21 myng jәrdemaqygha elu tiyn qosamyn!» deymin. Dep jatyp, aldyma kelgen torttan jep jatyp, oyanyp kettim! Janaghynyng bәri týsim eken! Sonyng ózinde, kereuetten shirenip týstim ghoy! Jo–joq, preziydent bolmaymyn! Nege deysizder me? Aylyghy az eken...

Múhtar Sherimning facebook paraqshasynan

Abai.kz