Kózinde ot, jýregi jalyndap túratyn keshegi shoqtyghy biyik jigitter men ayauly qyzdarymyzdyng býgingi beynesi kóz quantarlyq emes. Túnyp túrghan - illuziya. Ózgening baqyty. Qyzygha, qyzghana basylghan amal joqtyqtyng layktary. Aragidik ózin salystyru, tómendetu, jek kóru sezimderi bayqalady. Múnlyqtyng jasyn tógip ata-analaryn kinәlәy jóneledi. Otbasylyq bitispes konflikt. Sheti, shegi joq mәsele.

“Instagram” degen órmekshining toryndamyz. 20 minut búryn ghana depressiyanyng qúrsauynda otyrghan jas qyz, baqytty qalypty selfy jasap, 40 minut filitrasiyamen óndep, Instagram-gha jiberu funksiyasyn basyp qaldy. 12 sekund ótti. Kelip týskeni nebәri 3 layk. “Ádemisin”-degen pikir qaldyrypty, bir jazylushy. Qyzdyng kónil-kýii әp sәtte ózgerip sala berdi. Endi ómir sýruge bolatyn siyaqty.

Bayqaghan bolarsyz. Milliondaghan “Instagram” qoldanushysynda dәl osy refleks. Psihikalyq auytqu saldarynan myndaghan jýrek soghuyn toqtatyp, qyrshyn janynan qiyldy. Sózimizdi dәiektep ótsek. Tútynushylar әleumettik jelilerding ishinde adamnyng jýike-jýiesine keri әseri jaghynan Instagram-dy eng nashar jeli dep baghalady. Úlybritaniya ghalymdary arnayy úiymdastyrylghan saraptama nәtiyjesinen keyin osynday qorytyndygha keldi.

Korolidik densaulyq saqtau qoghamynyng zertteu júmysyna 14 pen 24 jas aralyghynda 1479 adam qatysqan. Olar eng tanymal bes әleumettik jelige óz paydalanushylaryna keltiretin ziyany boyynsha bagha beruleri kerek bolatyn. “Adam densaulyghy men hal-ahualyna әseri jaghynan Instagram men Snapchat-tyng kósh bastap túruy, ókinishti jaghday. Eki platforma da fotosuretke negizdelgen. Bәlkim, bar mәsele de sonda shyghar. Olar ózgening suretterin, dene bitimin kórip, ózderin úsqynsyz sanap, ishtey kýizeliske úshyraytyn bolar” - deydi Korolidik densaulyq saqtau qoghamynyng basshysy Shirly Kramer.

Korolidik qogham, sonday-aq, әleumettik jeli jasaushylaryn, tútynushylaryn resurstyng qyzmetin shekten tys paydalanyp jatqany jóninde eskertip otyrudy úsyndy.

Ózinde barmen kózge úryp,

Artylam deme ózgeden.

Kýndestigin qozdyryp,

Azapqa qalma ezbeden.

Abay atamyz, shamasy tegin aitpaghan. Búl jalghanda sizde bar dýnie ózgede joq boluy mýmkin. Ózgede bar dýnie sizde joq. Salystyrudyng qajeti shamaly. Bar degen batpan ghoy. Jyltyraqtyng bәri “jauhar” emes. Jyltyramaghannyng bәri “jyrtyq” emes. Ár adam ózinshe “úly”. Jýreginizge sýngip, týbin kózdeseniz óz “Meninizdi” tabatynynyz shýbәsiz. Egoisting “Meni” emes. Jaqsylyqqa jany jaqynnyng “Meni”.

Kózinizdi júmynyz. Úyaly telefondy kózden tasa jerge birshama uaqytqa tastanyz. Sózsiz ómirinizding arnasy dúrys baghytqa qaray yghysady. Sizdi úly qylatyn instagram jelisindegi jasandy suretter emes, sizding layyqty is-әreketiniz ekenin úmytpaghaysyz.

Sayana Seyitqoja

Abai.kz