QR Aqparat jәne qoghamdyq damu ministri Dәuren Abaev QR Preziydenti Joldauynyng bir aidaghy negizgi nәtiyjelerin bayandady.

«Preziydent Joldauynyng jariyalanghanyna bir ay boldy, búl uaqytta atqarylghan júmys az emes. Atqaratyn sharua da kóp. Múnda Joldaudyng belgili bir uaqytqa josparlanghan baghdarlamalyq qújat ekenin týsinu qajet. Ony jýzege asyru ýshin 81 tarmaqtan túratyn jalpyúlttyq jospar әzirlendi jәne qabyldandy. Múnda naqty sharalar kórsetilgen, onyng nәtiyjesin halyq sezinedi dep ýmittenem», - dedi ministr «Habar» arnasyndaghy «Ashyq dialog» baghdarlamasynda.

Mysal retinde ministr «Saryarqa» gaz qúbyry qúrylysynyng jandanghanyn aitty.

«Memleket basshysy Núrsúltan Nazarbaevtyng bes әleumettik bastamasyn jýzege asyrugha kónil bóldi. Eldi gazdandyru boyynsha ol «Saryarqa» gaz qúbyrynyng qúrylysyn tezdetudi tapsyrdy. Qazirgi uaqytta Energetika ministrligining derekterine sýiensek, kýnine shamamen 6 shaqyrym dәnekerleu júmysy jýrgizilude. Toraptar qúrylysy ayaqtalugha jaqyn, әriyne, alda tehnikalyq júmystar, jabdyqtau mәseleleri bar. Biraq barlyq júmysty jeltoqsan aiyna deyin bitiru josparlanghan», - dep atap ótti D. Abaev.

Onyng aituynsha, Qaraghandy, Aqmola oblystarynda jәne Núr-Súltan qalasynda 3 milliongha juyq adam tabighy gazben qamtylady.

«Búl infraqúrylym shaghyn jәne orta biznesting damuyna yqpal etedi. Jәne eng bastysy – auagha lastaushy zattardyng taraluyn tómendetedi», - dedi ministr.

Abai.kz