Mәjilis deputaty Berik Dýisembinov QR Premier-Ministri A. Maminge 2019 jyldyng 23 qyrkýieginde Tәjik-aughan shekarasynda jauyngerlik qimyldar men әskery qaqtyghystaryna qatysqan otandastarymyzgha «Ardager» mәrtebesin beru turaly hat joldaghan bolatyn. Atalmysh hatqa elimizding Qaruly kýshterining bas shtaby jauabyn berdi.

Jalpy, 1992-2001 jyldar kezenindegi Tәjik-Aughan shekarasyn qauipsizdikpen qamtamasyz etuge arnalghan búl әskery qimyldargha Qazaqstannan on myngha juyq jauynger qatysty. Olardyng aldynghy buyn ofiyserlerining jasy býginde alpystan assa, eng jasy qyryq beste eken.

Mysaly, 1995 jyldyng 7 sәuirinde, Pshihavr shatqalynda Tәjikstan shekarasyn qaru-jaraq pen esirtki dәlizine ainaldyrmaqshy bolghan, múzday qarulanghan lankestermen bolghan keskilesken shayqasta 17 qazaq sarbazy qaza bolyp, 30-dan asa jauynger auyr jaraqat alghan.

«Býginde Qazaqstan – bitimgershilik dayyndyqqa basa nazar audara otyryp, BÚÚ missiyasy ayasynda onyng geografiyasyn keneytuge mýddeli el. Aghymdaghy jyldyng ótken aiynda bizding elimiz 170 bitimger dayyndady. Erteng әlem elderindegi beybit ómirdi qoldau ýshin otqa týsetin bizding bitimger sarbazdarymyz da eskerusiz qalmay ma? «Erim» degen el bolmasa, «Elim» degen er qaydan shyghady?!» - dep jazdy deputat óz hatynda.

Deputat әleumettik әdildikti ornatu maqsatynda  memleket tynyshtyghy men  qauipsizdigin saqtaudaghy  eren erlikterin baghalay otyryp,  ósip kele jatqan jas buyndy tәrbiyeleudegi manyzdylyghyn eskere otyryp, Tәjik-Aughan shekarasyndaghy úrystargha qatysqan jauyngerlerge tiyisti qúrmet kórsetiluin súraghan bolatyn.

Keshe ghana deputattyq hattyng jauaby keldi. Elimizding Qaruly kýshterining bas shtaby osy mәsele jónindegi ótinishti qaraghanyn, 2018 jylghy 28 aqpanda «Ardagerler úiymdary kóteretin mәselelerdi sheshu jónindegi úsynystardy dayyndau boyynsha» Zang jobasy boyynsha júmys toby qúrylghanyn jәne «QR keybir zannamalyq aktilerine jeke sanattaghy azamattardy әleumettik qorghau mәseleleri boyynsha ózgerister men tolyqtyrular engizu turaly» QR Zanynyng jobasy әzirlengenin jetkizdi. Onda 1992-2001 jyldary Tәjikstan-Aughanstan uchaskesinde TMD-nyng syrtqy shekarasyn qorghaudy kýsheytuge qatysqan әskery qyzmetshilerge «Ardager» mәrtebesin beru turaly normasy engizilgenin atap ótti.

Abai.kz