Ішкі істер министрлігі 536 миллионға автобус сатып алмақ
Қазақстанның Ішкі істер министрлігі құны 536 миллион теңгеден асатын 13 автобус сатып алғысы келеді. Бұл туралы kaztag.kzке сілтеме жасап Abai.kz хабарлайды.
«Тапсырыс беруші – Қазақстан Республикасы Ішкі істер министрлігі» мемлекеттік мекемесі; атауы - автобус; қосымша сипаттама – жолаушылар автобусы; бірлік бағасы – Т41 265 000; саны - 13; жоспарланған сома 536 445 000 теңгені құрайды», - делінген мемлекеттік сатып алу порталында жарияланған лоттың сипаттамасында.
Конкурсқа қатысуға өтінімдерді алдын ала қабылдау 2022 жылдың 5-21 қаңтары аралығында өтеді.
Abai.kz
