Кеңес Одағы ыдырағаннан кейін 30 жыл ішінде халық санының ең жоғары өсімі Тәжікстанда тіркелді.  Дүниежүзілік банк деректері Тәжікстан халқының саны 76,6 пайызға өскенін атап өтті.

Орталық Азия елдерінің ішінде Өзбекстан (+ 63,4%), Түркіменстан (+ 59,2%) және Қырғызстан (+ 47,7%) халқы қарқынды өскен.  Қазақстан (+ 14%) халқының өсуі баяу саналса, Әзірбайжан (+ 40%) халқы айтарлықтай көбейген.

Бала туу деңгейі ең төмен Балтық жағалауы елдері болып тұр. Тәуелсіздік алғаннан бері халқының 28,3%-ын жоғалтқан Латвия, Литва (-24,5%) елдерінде демографиялық ахуал қиындаған.

Олардан кейін осы кезеңде халқының 23,2%-ын жоғалтқан Грузия, Украина (-20%), Армения (-15,5%), Эстония (-14,7%), Молдова (-12%), Беларусь (-7,8%) және Ресей (-2,9%) елдері тұр.

Abai.kz