Президент Тоқаев пәрмен беріп, сонан соң іле-шала құрылған «Қазақстан халқына» қорына түскен қаражаттың жалпы сомасы 16-31 қаңтар аралығында 109,8 млрд теңгеге жеткен. Қорға жиналып жатқан қаржы Қазақстанның әлеуметтік осал топтарын қолдауға, халық игілігіне, денсаулық сақтау, әлеуметтік сала, білім беру, мәдениет және спорт проблемаларын шешуге жұмсалады делінген.

Бүгінге дейін 16 167 қазақстандықтан 29,3 млн теңге түскен. 75 заңды тұлға мен ірі кәсіпкерлерден 19,2 млрд теңге, компаниялардан 16,5 млрд теңге түсіпті. Қордың төрағасы Болат Жәмішевтің айтуынша жалпы сома 150 млрд теңгедей болады. Бұл туралы ulysmedia.kz сайты жазды.

«Қорда шамамен 100 миллиард теңге болады деп есептейміз және осы 100 миллиард негізгі және маңызды мәселелерді шешуге жұмсалуы тиіс. Сонымен қатар тағы 50 миллиард теңге басқа да екінші кезектегі міндеттерді орындауға жұмсалмақ. Ол кезге дейін қорға 150 миллиард теңгеге дейін түсуі мүмкін», - дейді Жәмішев.

Сонымен бүгінге дейін (16-19 қаңтар аралығында) аталған қорға кім, қанша аударды? Қараңыз:

«Kaspi Bank» АҚ – 7 млрд теңге,

«Kaspi Магазин» ЖШС – 3 млрд теңге,

«Halyk Bank»  – 3 млрд теңге,

«Халық» қайырымдылық қоры – 2 млрд теңге,

«YDD Corporation» ЖШС, «AsiaFerroAlloys» ЖШС және олардың акционерлері (Ерлан Нигматулин мен Давид Кемертелидзе) – 1 млрд теңге,

«Нұрсұлтан Назарбаев» қоры – 500 млн теңге,

«LANCASTER GROUP KAZAKHSTAN» холдингі – 500 млн теңге,

«Қазақстанның мұнай мен газ институты» – 500 млн теңге,

ҚР Ұлттық Олимпиада комитетінің вице-президенті Данияр Әбілғазин – 500 млн теңге,

«BAZIS CONSTRUCTION» ЖШС – 400 млн теңге,

«Степногорск тау-кен химиялық комбинаты» ЖШС – 350 млн теңге,

Алмас Сұлтанғазин (Sulpak және Alser компанияларында мажоритарлық үлестерге ие) – 200 млн теңге,

«Қаратас Майнинг» ЖШС – 100 млн теңге.

Сонымен қатар, «Қазақстан қоры» 20-25 қаңтар аралығында 100 млн теңге аударған Мұхамед Ізбастинге, 50 млн теңге аударған Рашит Махатқа «қайырымдылыққа елеулі үлес қосқаны» үшін алғыс айтты.

Тағы да төмендегі ЖШС-тер ақша аударған:

«Kaz Minerals Aktogay» - 6,2 миллиард теңге,

Kaz Minerals Bolzshakol - 6,2 миллиард теңге,

Kazakhmys Smelting - 5 миллиард теңге,

«Востокцветмет» - 3,1 миллиард теңге,

«СӘБИ» жекеменшік қайырымдылық қоры» - 1 миллиард теңге,

«Астана-Моторс» - 550 миллион теңге,

«BI-Development» - 300 миллион теңге,

«Сарыарқа автоөнеркәсіп» - 250 миллион теңге,

«Nak Development» - 100 миллионов теңге.

28-31 қаңтар аралығында бірқатар компаниялардан, қайырымдылық қорларынан ақша түскен. Олар:

«ERG көмек» корпоративті қоры – 30 млрд теңге,

«Халық» қайырымдылық қоры – 10 млрд теңге,

Сүлейменов Диас Төлеутайұлы – 450 млн теңге,

«Банк Центр Кредит» АҚ– 200 млн теңге,

«Көлік сервис орталығы» АҚ – 150 млн теңге,

«Altyntau Kokshetau» АҚ - 6 миллиард 470 миллион теңге,

«Қазцинк»  ЖШС- 5 миллиард 855 миллион теңге,

«КаР-Тел» ЖШС- 2 миллиард теңге,

«Жәйрем тау-кен байыту комбинаты»  - 675 миллион теңге,

Цхай Яков Андреевич – 500 млн теңге,

«MabetexGroup» Компаниясы - 500 миллион теңге,

«Genesis Digital Assets» Ltd. ЖШС - 300 миллион теңге,

«САУТС ОЙЛ» ЖШС - 200 миллион теңге.

Кішігірім кәсіпкерлерден бастап ел азаматтарына дейін «Қазақстан қорына» ақша аударып жатқанда, елімізде үнсіз отырған ең бай тұлғалар да баршылық.

Айта кетейік, бұған дейін «Nur Otan» партиясының съезінде Президент Қасым-Жомарт Тоқаев қайырымдылық жасауға асықпай отырған ірі бизнес өкілдерін қатаң сынға алған.

«Олигополияның мүшелері болып отырған бизнестегі кейбір танымал адамдар Мемлекет басшысы бастаған қайырымдылық акциясына қатысуға асықпайды. Бұл сараңдық па, нигилизм ба, немқұрайдылық па әлде менсінбеушілік пе? Мемлекеттің бұл сұраққа жауап алуға жетерлік өкілеттігі бар», - деді Президент.

«Forbes» журналының ең бай 50 кәсіпкері ішінен 24 кәсіпкер қаңтардың аяғына дейін «Қазақстан қорына» қаражат аударып үлгеріпті.

Ал, қалған олигархтар үнсіз отыр. Олар кімдер?

Сәрсеновтер отбасы

72 жастағы Рашид Сәрсеновке «Нұрбанк» АҚ акцияларының кемінде 88%-ы  («JPFinance Group LLP» ЖШС және «Кастинг» ЖШС арқылы), «Виктория» сақтандыру компаниясының 100%-ы , «француз үйі BSB» ЖШС («француз үйі», «Beautymania», «Imperial Home» сауда желілері, «Сұлулық планетасы»), «Oil Real Estate» ЖШС (ТРК, со басқармасы), «Caspian Riviera» қонақ үйі, «Vita» суды өндіру және өткізу компаниясы, шарап жасау кешені және т.б. тиесілі. Түркістан облысындағы «Chateau Silk alley», «KSP Steel» және «Кастинг» зауыттарында үлесі бар.

Отбасына «Helios» автожанармай құю станцияларының желісі, «AltynEx Company» ақ алтын кен орнындағы үлесі, «Ақсай» Нан-тоқаш комбинаты» ЖШС, «shahar Телерадиокомпаниясы» ЖШС, Каспий қоғамдық университеті және Алматы құрылыс және менеджмент колледжі тиесілі. Рашит Сәрсенов – «Виктория» СК Директорлар кеңесінің төрағасы.

Қайрат Боранбаев

Қайрат Боранбаев Қазақстан, Ресей және Беларусьтегі «McDonald's» франчайзиі болып табылады. Сондай-ақ, ол «Алмалы» активтерді басқару компаниясы» ЖШС, «Кемикал «қазақстандық мұнай-химия компаниясы» ЖШС, «Алекс» ЖШС («Алекс-Сарыағаш» минералды суы), «Phystech II» Мұнай АҚ-да үлесі бар» Қазтурбожөндеу «Холдинг компаниясы» ЖШС-ға иелік етеді.

Сонымен қатар, бизнесменге Алматыдағы «aparking» ақылы көлік тұрағын басқаратын «RR2» ЖШС, «Fitnation» фитнес-клубтар желісі, «Рахат Палас» қонақ үйі, «Esentai Mall» СОО 50%-ы, «Esentai Tower» БО 50%-ы, Латвиядағы «Jurmala Golf Club & Hotel», «Қайрат» футбол клубының мажоритарлық үлесі тиесілі.

Ресейлік миллиардер Виктор Харитонинмен және тағы екі серіктеспен бірге «Спутник V» ковидке қарсы ресейлік вакцинаны құйып жатқан «Қарағанды фармацевтикалық кешені» ЖШС кіретін «НеоТекФарм» ЖШС меншік иесі болып табылады.

Ғалымжан Есенов

Ғалымжан Есеновке Жамбыл облысындағы «Қазфосфат»ЖШС тиесілі. Аудиттелген есептілікке сәйкес, 2019 жылы компания 68 млрд теңге (сол жылғы орташа бағам бойынша $177,9 млн) мөлшерінде дивидендтер төледі, 2018 жылы дивидендтер көлемі 6,9 млрд теңгеден асты (тиісінше $20 млн).Сондай-ақ, кәсіпкер «Jýsan Bank»АҚ-ның 19,67%-ын иеленген.

Нұрәлі Әлиев

«Capital Holding» инвестициялық ЖШС иесі, мажоритарлық акционер және «Транстелеком» АҚ Директорлар кеңесінің төрағасы, «Darmen Holding» және «nd Capital» венчурлық қорының құрылтайшысы. Сондай-ақ, «Еуропа плюс Қазақстан» ЖШС, «Независимый Телевизионный Канал» ЖШС, Дубайдағы (БАӘ) «Donatello Hotels and Resorts» қонақ үйінде, Алматы мен Нұр-Сұлтандағы бірқатар мейрамхана кешендерінде үлестерге ие. «Бизнесмен-Zhanartu» қайырымдылық қорының және «Snow Leopard Foundation» халықаралық қорының құрылтайшысы.

Тағы басқа да «Forbes» тізіміндегі бай-бағландар қаңтар аяқталғанша қайырымдылық жасауға асықпады. Ақпанда бұл тізімдегі «Қазақстан халқына» қаражат аударушылар саны көбейе түсер ме? Жүре көрерміз...

Айжан Темірхан

Abai.kz