Астанада өтіп жатқан Қазақстандағы адам саудасына күрес туралы құқықтық форумда ҚР Ішкі істер министрі Марат Ахметжанов Қазақстанға адам саудасымен күресті реттейтін арнайы заңның керектігін айтты.

Қазақстанда 4 айда ішінде адам саудасы бойынша 30-ға жуық дерек тіркелген.  Ішкі істер министрі Марат Ахметжановтың айтуынша 3 қылмыстық топ анықталған және елімізде жыл сайын 100-ден астам осындай қылмыс тіркеледі екен.

«Біріккен ұлттар ұйымының мәліметіне сәйкес, әлемдегі адам саудасы құрбандарының 70 пайызы – әйелдер мен жас қыздар. Ал әрбір үшіншісі –балалар. Өкінішке қарай, бұл проблеманың Қазақстанға да қатысы бар... Қазір ІІМ бұл бағыттағы жұмысын қайта құрып, бағдарлы тәсілді енгізуде.. Қоғамдық институттармен әріптестік қарым-қатынас орнату, мемлекеттік органдармен жауапкершілікті бөлісу мәселелері қайта қаралуда. Бұл қағидат адам саудасына қарсы тұру тәсілдерін әзірлеу кезінде қолданылуы керек», - деді министр.

Abai.kz