Жұма, 29 Наурыз 2024
1950 6 пікір 24 Наурыз, 2023 сағат 14:32

НАТО: Украинаға қару жеткізбесек, Ресейді жеңу қиын

НАТО бас хатшысы Йенс Столтенбергтің пікірінше, батыс елдері Украинадағы соғыстың ұзаққа созылуына дайындалуы керек, себебі жанжал шешілетін түрі жоқ. Бұл туралы The Guardian газеті хабарлады.

Солтүстік альянс басшысы Украинадағы әскери қимылдарды «титықтату соғысы» деп атап, Батыс елдерін Украинаға қару-жарақты көбірек жеткізу үшін өнеркәсіп қуатын арттыруға шақырды. "Қару-жарақты қолдану жылдамдығы өнеркәсіп жылдамдығынан артығырақ болып тұр", - дейді НАТО бас хатшысы.

Сол себепті батыс елдері, ең алдымен АҚШ, Ұлыбритания, Франция және Германия Украинаны қарумен көп уақыт қамтамасыз етуге дайын болуы тиіс, деп есептейді Столтенберг.

Оның айтуынша, соғыстың қалай аяқталатынын "өндіріс қуатындағы бәсекелестік пен ұзақ уақыт қолдау көрсету мүмкіндігі шешеді".

Украинаға АҚШ пен басқа да елдер әскери көмек көрсетіп отырғанына қарамастан, әлі де болса Ресей агрессиясын тойтаруға күш пен қару жетпей жатыр, деп жазды The Washington Post.

"Уақыт Ресейге жұмыс істейтіні анық. Оның ауқымды майданда ұзақ соғысуға сарбазы мен материалдық ресурсы жеткілікті. Украинада ондай мүмкіндік жоқ. Қару тез жеткізіліп тұрмаса, Украинаның Ресей жетістіктеріне тойтарыс беруі қиындай түседі", - деп есептейді Атлантикалық кеңес сарапшысы Рэйчел Риццо.

Мәселе қару-жарақты тез жеткізуде ғана емес, мәселе Украинаның бірқатар талаптарының орындалмауында болып отыр. Украинаға совет танкілері мен артиллериясына төтеп беру үшін жойғыштар, ұшаққа ұшатын реактивті артиллериялар қажет, деп жазды басылым.

Осы аптада Еуропа одағының елдері Украинаға 12 айда 1 миллион артиллериялық оқтұмсық жеткізу жөнінде шешім қабылдады. АҚШ мемлекеттік департаменті де Украинаға 350 миллион доллардың кезекті әскери көмегін беретінін мәлімдеді. Әскери көмек пакетіне HIMARS жүйесінің жарақтары, гаубицалар, танкілерге қарсы қару және НАТО-ның басқа да артиллериялары кіреді.

 

Abai.kz

6 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1567
Алашорда

Қожанов межелеу науқанында (Жалғасы)

Бейбіт Қойшыбаев 2261
Ғибырат

Қайсар рухты ғазиз жан

Мұхтар Құл-Мұхаммед 3551