Қолданушылар мен контент жасайтындарға жаңа мүмкіндіктер ашатын YouTube Premium енді Қазақстанда, деп хабарлады Цифрлық даму, инновациялар, аэроғарыш өнеркәсібі министрі Бағдат Мусин.

"Бұл оқиға елдің цифрлық инфрақұрылымын дамыту мен оны жаһандық желіге біріктіруде жасаған елеулі қадам. Басқа қызметтермен қатар YouTube Premium-ді қолдану бейне мен музыкалық мазмұнға жарнамасыз шексіз қол жетімділікті, бейне материалдарды офлайн режимде көру үшін оны жүктеу мүмкіндігін және басқа қосымшаларды қатар қолдану кезінде оны фондық режимде де тыңдау мүмкіндігін қамтамасыз етеді", – деп жазды ол.

 Көп жылдар бойы YouTube жанкүйерлері өздерінің сүйікті авторларын қолдаудың жаңа әдістері мен олардың бейнелерін үзіліссіз көру мүмкіндігі қажет екенін айтып келді.

YouTube Premium жазылымы бар мүшелер YouTube контентін жарнамасыз тамашалай алады. Сонымен қатар ол мүшелерге бейнелерді мобильдік құрылғыда офлайн және фондық режимде ойнату үшін жүктеп алу мүмкіндігін береді. Егер пайдаланушы локациясында YouTube Premium қолжетімді болса, мүшелік пайдаланушының YouTube-ке кірген барлық құрылғысында қолжетімді болады. YouTube Premium мүшесі болу туралы толық ақпарат алыңыз.

YouTube Premium-нің мақсаты – жанкүйерлер таңдауын кеңейтумен қатар, авторлардың өздері жасаған контенттен табатын пайдасының ауқымын арттыру.

Abai.kz