Атырау облысының Төтенше жағдайлар жөніндегі жедел штабы зардап шеккен үйлердің тұрғындары сәуір, мамыр, маусым, шілде айларында коммуналдық қызметтер үшін төлемнен босатылатындығын хабарлады.

Жылыой ауданының әкімі Жұмабек Қаражановтың айтуынша, қазіргі уақытта Құлсары қаласы ауыз сумен үздіксіз қамтамасыз етіліп, электр қуатына барлығы 2870 үй қосылып, су басу аймағында орналасқан 3084 үйді газбен жабдықталды.

"Тұрғындарға наурыз айына коммуналдық төлемдерді (ҚТҚ, электр энергиясы, газ және ауыз су үшін) төлеуге түбіртектер таратылады. Алайда, қала тұрғындары өздеріне ыңғайлы кез келген уақытта есепшоттарды төлей алады", – деді Жұмабек Қаражанов. 

Сондай-ақ, Құлсары қаласында коммуналдық қызметтерге тарифтерді көтеру фактілері тіркелмеген.

Abai.kz