Шымкентте қала әкімінің орынбасары болған Мақсұт Исахов 8 жыл 5 айға бас бостандығынан айырылды, ол өмірінің соңына дейін мемлекеттік қызмет атқару құқығынан айырылды.

Бұған дейін Шымкент әкімінің экс-орынбасарына қатысты дерек қылмыстық істер жөніндегі мамандандырылған ауданаралық сотта қаралып жатқанын жазғанбыз.

Шенеунік өткен жазда ұсталған болатын. Исахов Шымкент қалалық Ұлттық қауіпсіздік департаментінің бірінші орынбасары Манат Сарбасовқа 200 мың доллар пара бермек болған. Прокурор Мұхтар Арыстановтың айтуынша, әкім орынбасары өз адамы арқылы қаладағы дүкендердің біріне 200 мың долларды пакетпен бірге тастап кетеді. Бұл қомақты қаражатты Ұлттық қауіпсіздік комитетінің қызметкерлері тәркілеген.

Дереккөзі: Qaz365.kz

Abai.kz