1 маусымда магистратураға кешенді тестілеуден өтуге құжат қабылдау басталады
Ұлттық тестілеу орталығы 1 маусым мен 8 шілде аралығында магистратураға түсуге арналған кешенді тестілеуге өтініш қабылданатындығын хабарлады.
"Тіркелу барысында сіз тестілеу өтетін қала мен орынды өзіңіз таңдайсыз. Тестілеу орны мен уақыты туралы ақпарат 13 шілдеге дейін үміткердің жеке кабинетіне жолданады", – делінген Ұлттық тестілеу орталығының хабарламасында.
Құжаттарды Ұлттық тестілеу орталығының сайты арқылы онлайн өткізуге болады.
Биыл кешенді тестілеу 20 шілде мен 10 тамыз аралығында өтеді. Оған қатысу үшін 14 693 теңге төлеу қажет.
Abai.kz
