Сейсенбі, 17 Қараша 2026
Жаңалықтар 112 0 пікір 17 Қараша, 2026 сағат 14:25

Бектенов: 6,5 трлн теңге құрылысқа жұмсалады!

Сурет: kt.kz сайтынан алынды.

Қазақстанда «Халықтық құрылыс» бағдарламасын жүзеге асыруға Ұлттық қордан шамамен 6,5 трлн теңге бағыттау жоспарланып отыр.

Премьер-министр Олжас Бектенов бұл қаржының отандық өндірісті дамытуға да ықпал етуі керектігін айтты.

Үкімет қандай тапсырма берді?

* Құрылыс жобаларына қазақстандық өндірушілерді кеңінен тарту;

* Қажетті материалдар мен жабдықтардың көлемін алдын ала анықтау;

* Сатып алу жоспарларын ертерек жариялау;

* Отандық кәсіпорындардың өндірістік қуатын толық пайдалану;

* Өндірісті кеңейтуге қажетті қаржыландыруды қамтамасыз ету.

Қазір қазақстандық кәсіпорындар елдегі негізгі құрылыс материалдарына сұраныстың 73%-ын қамтамасыз етіп отыр.

«Өнеркәсіп және құрылыс министрлігі әкімдіктермен, „Бәйтерек“ холдингі және „Атамекен“ ұлттық палатасымен бірлесіп, аталған бағдарламаға отандық өндірушілердің қатысуын қамтамасыз етсін», – деді Бектенов.

Бағдарламаның орындалуын бақылау Премьер-министрдің бірінші орынбасары Нұрлыбек Нәлібаевқа жүктелді.

Abai.kz

0 пікір