Біз әлеуметтік желіні ақтарып отырып, өте қызықты материалға жолықтық. Биылғы жылдың қарашасында «Белгілі қоғам қайраткері Дариға Нұрсұлтанқызына арналған ән» атты мақала жария бопты. Дәлірек айтсақ, «Kerey.kz» дейтін сайтта Сенат депутаты Дариға Нұрсұлтанқызына арналған «Дариға» атты ән жария болды.

«YouTube» каналында жария болған бейне жазбаны 129 адам көріпті. Бейне жазбаның анықтамасы ретінде «Белгілі қоғам қайраткері Дариға Нұрсұлтанқызы Назарбаеваның халыққа жасаған игілікті істеріне қолдау ретінде шыққан ән» деп жазған екен.

Арнау әннің авторы – Төрағали Батырханұлы дейтін азамат екен.

Расында, Дариға Нұрсұтанқызының шығармашылықтағы адам екенін, сызылтып салған әнін біз түгілі Халықаралық сахна майталмандары мойындайтынын білетін едік.

Ал Дариға Нұрсұлтанқызы Назарбаеваға арнаған әннің барын білмептік. Сондықтан бөліскенді жөн көрдік.

Нұрзат Тоғжан

Abai.kz