Ардагер балуанымыз әлем чемпионы атанды
Грузия астанасы Тбилисиде күрес түрлерінен ардагерлер арасындағы әлем чемпионаты өтіп жатыр.
Кеше, 9 қазан күні грек-рим күресінен 62 келі салмақ дәрежесінде белдесетін қазақстандық балуан Қасенхан Серғазиев әлем чемпионы атанды. Ардагер балуан ақтық сында түркиялық Мехмет Кенен Бектасты айқын басымдылықпен жеңді.
Қасенхан Серғазиев - грек-рим күресінен Қазақстан чемпионатының бірнеше дүркін жеңімпазы. 58 жастағы балуан қазіргі таңда Алматы облысы, Панфилов ауданы, Жаркент қаласындағы балалар мен жасөспірімдер спорт мектебінің оқытушы-жаттықтырушысы.
Abai.kz
