Jwma, 24 Qañtar 2020
Jañalıqtar 3178 0 pikir 10 Säuir, 2009 sağat 06:00

«EKSPO-2017»: DAĞDARIS JAĞDAYINDAĞI DAYARLIQ

Elimizde  2017 jılı ötetin halıqaralıq «EKSPO-2017» mamandandırılğan körmesin ötkizuge dayındıq jospar boyınşa jürip jatır. Osı rette körme nısandarınıñ qwrılısı da kestege säykes jürgizilip, şığıstar oñtaylandıru maqsatında ärleu jwmıstarına otandıq önimderdi paydalanu közdelude.

 Memleket basşısı N.Nazarbaev EKSPO körmesi otandıq ekonomikağa jäne jaña tehnologiyalardı igeru isine serpin bere alatın wlttıq jobağa aynalatının aytadı.  «Körmeniñ aşıluına bir jarım jıl qaldı. Barlıq qwrılıs jwmıstarı kelesi jıldıñ küzine deyin ayaqtaluı tiis. Kürdeli ekonomikalıq ahualğa qaramastan, biz körmeni dayındauğa qajetti barlıq qarajattı bölip jatırmız. Qwrılısqa Qazaqstanda mol jwmıs täjiribesi bar merdigerlerdi tarttıq. Sonday-aq Milandağı körmeni ötkizu täjiribesin tıñğılıqtı zerdeledik. Sondıqtan EKSPO-nı wyımdastıru isine qatıstı tüsiniksiz eşteñe joq, – degen bolatın Nwrswltan Nazarbaev.

Dağdarıstıq jağdaydı eskere otırıp, EKSPO körmesin wyımdastıruda birqatar özgerister engizilmek.  Bastısı körmege jwmısalatın şığındardı mümkindiginşe qısqarta otırıp, sapalı jwmıs jürgizu. Osı rette  şığıstardı oñtaylandıru maqsatında barlıq ärleu jwmıstarın otandıq önimderdi barınşa paydalana otırıp jürgizu közdelude. Bwl birinşiden otandıq önimderdi qoldau şarası bolsa, ekinşiden körme byudjetin ünemdeuge mümkindik beredi. Sonımen qatar, kompaniya qwrılımın özgertu ayasında «Astana EKSPO-2017»  wlttıq kompaniyasınıñ  departamentter  qızmeti naqtılanıp, basqarma törağasınıñ orınbasarları men basqaruşı direktorlar sanı eki ese qısqarğan. Bwl 150 million teñgeden astam qarajattı ünemdeuge mümkindik berdi.  Jäne keybir säulet qwrılıs jobaların qayta qarau esebinen şığıstar kölemi 78 milliard teñgege azaytıldı.  Bwl rette jalpı säulet kelbeti men nısandardıñ beyimdiligi saqtaluı tiis. Qazınadan bölingen qarajattıñ maqsatqa say tiimdi paydalanıluına basa nazar audarıluda. Qazaqstandıq qamtu ülesin wlğaytu men otandıq käsipkerlerdi tartu da ünemdeu şaralarınıñ biri bolıp sanaladı. Osı twrğıda elimizdiñ 10 öñirimen ıntımaqtastıq turalı memorandumğa qol qoyılğan. Nätijesinde 20 mıñnan astam adamdı jwmıspen qamtığan 220 otandıq käsiporın qwrılısqa tartılıp, 30 milliard teñgeniñ önimi jetkizilgen.   

Aldağı körme bükil qazaqstandıqtar üşin mañızdı şara ekeni ras. Bwl körme elimizdiñ aybını men damu deñgeyiniñ körsetkişi bolmaq. Sondıqtan qazirgi dağdarıs jağdayına qaramastan dayındıq jwmıstarı öz deñgeyinde jürgizilui asa mañızdı. Bwl turalı memleket basşısı:  «Älemde dağdarıstıq ahual bayqalıp otır, ol bizdiñ elge de äser etude. Soğan qaramastan, Qazaqstan halıqaralıq körmege dayındıqtı, industriyalıq sayasat ayasında jaña nısandar saludı, jaña jwmıs orındarın aşudı jalğastıruda. Bwl bizdiñ ekonomikanıñ qarqını men mümkindikterin körsetedi», – dedi Nwrswltan Nazarbaev.

2017 jılğı älemdik äygili körme barısında Qazaq eliniñ mädenietin, tarihı men dästürlerin körsetudiñ mañızdılığı zor. Sondıqtan otandıq mädeniet qayratkerleriniñ öner körsetuine basımdıq berilui kerek. Mädeni-dumandı şaralar körme aumağında ğana emes, bükil qalada ötui qajet. Muzeyler, körmeler men teatrlar qonaqtardı eñ joğarı deñgeyde qarsı aluğa dayın boluı tiis. Mädeni-dumandı şaralar josparı men qalanıñ qauipsizdigi mäselesi de asa mañızdı.  Bwl  rette mädeni şaralar jäne qauipsizdik mäselesi pısıqtalu üstinde.  Arnaulı qızmetter men qwqıq qorğau organdarı qauipsizdik pen qwqıq tärtibin qamtamasız etui tiis. İİM, WQK jäne «Sırbar» osı bağıttağı üylesimdi jwmıstı jalğastıru qajet. Elordanıñ jäne körmeniñ qauipsizdigi osığan baylanıstı.  

«Astana EKSPO-2017»  wlttıq kompaniyası qazirgi tañda  körme imidjin ilgeriletu jäne onı taqırıptıq jağınan tolıqtıru jwmıstarın jüyeli jürgizude.

Ayta keteyik, elordamızda 2017 jılı ötkiziletin älemdik äygili körmege dayındıq barısındağı şaralar ayasında büginde 53 el jäne 11 halıqaralıq wyım körmege qatısatının rastadı.

Jäniya Äbdibek

Abai.kz 

 

0 pikir