Шынның жүзі

АРЫСТАНБЕК МҰХАМЕДИҰЛЫ МЕН ИМАНҒАЛИ ТАСМАҒАМБЕТОВКЕ АШЫҚ ХАТ

Әріптің көлемі: Қалыпты
  • Қалыпты
  • Үлкен
  • Көлемді

Бұл хат Абай ақпараттық порталының электронды почтасына келіп түсті. Еліміздегі спорт мәселесі тікелей Мәдениет және спорт министрлігінің қарайтыны белгілі. Бірақ, авторымыз бұл хатты тиісті министрліктің басшысы Арыстанбек Мұхамедиұлының атына емес, Қорғаныс министрі Иманғали Тасмағанбетовтың назарына ұсынуды жөн санапты. Біз ашық хатты өзгертпей, сол қалпында жариялауды жөн санадық. 

Абай ақпараттық порталы

Қазақстан Республикасының

Қорғаныс Министрі И.Н.Тасмағамбетовке

 

АШЫҚ ХАТ

Құрметті Иманғали Нұрғалиұлы!

Өзіңізді қалың қазақ жұрты мемлекеттік деңгейдегі қоғам қайраткері, ұлттық намысы мен рухы биік халықшыл азамат ретінде таниды әм құрметтейді. Сондықтан осы Ашық хатымды өзіңізге үлкен үмітпен жолдап отырмын. Менің қызым Назым Ищанова көп жылдан бері бокспен тұрақты айналысып келеді. 2013 жылы Болгарияда өткен Әлем чемпионатында еліміздің намысын қорғап, қола жүлдегер атанған. 2015 жылы Қытайдың Тайпейінде өткен Әлем чемпионатында екінші рет ел намысын бермей, қола жүлдені иемденді. Спортты оның ішінде Қазақстан боксын жіті қадағалайтын қауым Назым Ищанованың есімін жақсы таниды. Оның Халықаралық жарыстардағы жетістектерін жақсы біледі.

Былтыр қазан айында ел чемпионатында 60 келі салмақ дәрежесінде Қазақстан чемпионы атанды. Арада алты ай уақыт өткенде Қазақстан чемпионаты қайта өткізілді. Назым ол жерде де чемпион болып шықты. Бір емес, екі мәрте чемпиондық атағын қорғап қалған спортшы келесі Әлем чемпионатына жіберілуі тиіс еді ғой. Бірақ, 2016 жылдың 19 мамырында Астанада өтетін Әлем чемпионатына Назым Ищанова емес, екі ретте де Назымнан оңбай ұтылған астаналық Римма Волосенко қатысатын болды.

Қазақстанның бокс федерациясы мұндай шешімді қандай негізге сүйеніп қабылдағаны бізге де, бокссүйер көрерменге де түсініксіз болып отыр.

Римма Волосенконың Әлем чемпионатына жіберілетіндей спорттық жетістектері де шамалы еді. Әрі-беріден соң, спорт шебері атағы да жоқ.  Тіпті, спорт шеберіне үміткер емес адамды Чемпионның орнына ел намысын қорғауға жіберу – елдік намысқа көз жұмып қарау емес пе?!

Бұл Әлем чемпионаты биылғы Рио-де-Жанейрода өтетін олимпиада ойындарына жолдама салынатын маңызды дода.

Әйтседе ҚБФ  әділетсіздік жасап, сыбайластыққа жол берді. Римма Волосенко Астана қалалық  спорт басқармасының басшысы Берік Барлыбайұлы Мыржықпаевтың дайындап жүрген боксшысы еді.

ҚБФ біздің шағымымызға «Назым әлі жас қой, кейін шығады» деген сылтау айтты. Спортшы қызымыз дәл бабында тұрғанда бәсекеге қоспау – адамның жігерін құм қылып, тауын шақпай ма?!

Сонда ҚБФ үшін ел намысы мен рухының биіктеп, еліміздің көк байрағы көктен жеблірегені емес, өзара «бармақ басты, көз қыстылық» қымбат болғаны ма?

Назымның жолын кесу арқылы елімізге абырой әкелер жазғы олимпиада алтынын өзіміз кері теуіп жатқан шығармыз. Елім дейтін есті азаматтар мұндай жағдайда ойлануы тиіс!

Құрметті Иманғали Нұрғалиұлы! Аталған Ашық хатты жолдай отырып, өзіңізден араша, әділдік әм қолдау күтеміз!

Бейбіт Ищанов, Әйелдер арасындағы бокстан Қазақтан чемпионы, спорт шебері Назым Ищанованың бапкері.

http://abai.kz/post/view?id=7902 

 Abai.kz

 

 

33 пікір 20310 рет оқылды Қосылған: 18.05.16
    • #1
    • Нураткатбай
    • сн, 18/05/2016 - 15:22
    Пікір алынып тасталды!
    • #2
    • Алашхан
    • сн, 18/05/2016 - 15:35
    Пікір алынып тасталды!
    • #3
    • Астаналық
    • сн, 18/05/2016 - 15:58

    Тура қазір Астананың шенеуніктері Иманғалиды тыңдай қоймас, бүкіл Иманғалимен келгендердің бәрін қуып шықты. Әрине суға кеткен тал қармайды деген... Шешімдері әділетсіздік

    • #4
    • Турасын айтканда.
    • сн, 18/05/2016 - 16:04
    Пікір алынып тасталды!
    • #5
    • Сұлтан, Аман Шотаев
    • сн, 18/05/2016 - 16:09

    Құрметті Иманғали Нұрғалиұлы! Әділдігін айтып ҚБФ жөнге сауға қол ұшын беріңіз? Назымға қиянат жасамасын? Назым әлі жас, деген... Ол қыздың жанына өшпес дақ салу. Бір Алла қолдасын? Сәлеммен бұрынғы боксшы Сұлтан, Аман шотаев.

    • #6
    • ҚАЗАҚ
    • сн, 18/05/2016 - 16:18
    Пікір алынып тасталды!
    • #7
    • Бозғыл
    • сн, 18/05/2016 - 16:28

    Спаррингтің бір рауындын көрдік. Назымның басымдығы анық болып тұр. Бокстан хабары бар адам ретінде айтарым Назымның қарсыласы әлемдік деңгейдегі жарысқа қатысуға дайын емес. Назымның техникасы мен жеңіске деген талпынысы жоғары. Бұл жерде таза әділетсіздік орын алған. Сонда да Назым қызымыз бен бапкеріне айтарым Назымның келешектегі жеңістеріне даярлану керек.

    • #8
    • мен
    • сн, 18/05/2016 - 16:28

    Тіпті не айтарымды да білмей отырмын, қайта қолдау көрсетпей ма мұндай жастарға? Екеуі де бара берсін онда тұрған не бар еді?

    • #9
    • Өмірдің өлшемі.
    • сн, 18/05/2016 - 16:37

    Иманғали үшін бұл бір ауыз сөзбен шеше алатын мәселе ғой. Бұл мәселені шеше алмайтындай билікте бекер жүрмеген шығар. Еркек болған соң бекер жүрмеген шығар, шалбар киіп.

    • #10
    • Нураткатбай
    • сн, 18/05/2016 - 16:48
    Пікір алынып тасталды!
    • #11
    • Berik SKO
    • сн, 18/05/2016 - 16:52

    Мен кеше жаздым, тағы да қайталаймын.
    Бейбіт өзі қаншама боксшынын жолын кескенде, тіпті, қанша атақты бапкердін жолын кесіп, "по блату" "Astana Arlans"қа орналасқанда не ойлады? Қандай енбегі сінді? Тұрсынғали Еділов, Асқарбек Ғазизов, Ғалым(тегін ұмытыппын), Ермахан Ыбырайымов, Нұрлан Ақұрпековтерден қай жерініз артық еді 2010 жылы? Енді қай бетімен осы сөздерді жазып жатсыз?!
    "НЕ ЕКСЕН - СОНЫ ОРАСЫН"!!!

    • #12
    • Berik SKO
    • сн, 18/05/2016 - 16:53
    Пікір алынып тасталды!
    • #13
    • Сырым
    • сн, 18/05/2016 - 18:21

    Елдын басы жер ушын катып турганда кайдагы бокс? Елдын наразылыгы оршып турганда спорт жайлы соз кисынсыз. Кейын айтарсын.

    • #14
    • Талғат
    • сн, 18/05/2016 - 18:52

    Спорт саласында да қиянат көп. Мынау соның бір мысалы ғана. Өкінішке қарай, жеке бір топтың немесе жеке бастың амбициясы ел намысынан жоғары қойылып жатады.

    • #15
    • Қарт спортшы
    • сн, 18/05/2016 - 20:05

    ЧМ-ға кім жеңді, сол баруы керек. Блат-сват жойылуы керек, ең болмағанда спортта. Кеңес кезінде осындай әділетсіздікті көрген қазақтың марқасқа спортшылары көп болды - Әбдісалан Нұрмаханов, Әмин Тұяқов, Әбілсейіт Айханов тағы көптеген азаматтар. Осыны басымыздан өткере отырып тағы да сондай жолмен жүреміз бе. Не қылған бассыздық жайлап кетті бізде. Әлі жас деген сөз емес, ол жас болса ана қыз жас баладан неге жеңіледі. Ол неге екі рет ЧМ қолда медалін алмай жүр.Сылтау еместі сылтауратпау керек. Аталарымыз бір ауыз жөн сөзге тоқтады емес пе. Ай, Ермахан сенің де шамаң келмей ме. Ел болып сені дәреже қылып жүрміз ғой, кіріс осының шешуіне.

    • #16
    • Қарт спортшы
    • сн, 18/05/2016 - 20:06

    ЧМ-ға кім жеңді, сол баруы керек. Блат-сват жойылуы керек, ең болмағанда спортта. Кеңес кезінде осындай әділетсіздікті көрген қазақтың марқасқа спортшылары көп болды - Әбдісалан Нұрмаханов, Әмин Тұяқов, Әбілсейіт Айханов тағы көптеген азаматтар. Осыны басымыздан өткере отырып тағы да сондай жолмен жүреміз бе. Не қылған бассыздық жайлап кетті бізде. Әлі жас деген сөз емес, ол жас болса ана қыз жас баладан неге жеңіледі. Ол неге екі рет ЧМ қолда медалін алмай жүр.Сылтау еместі сылтауратпау керек. Аталарымыз бір ауыз жөн сөзге тоқтады емес пе. Ай, Ермахан сенің де шамаң келмей ме. Ел болып сені дәреже қылып жүрміз ғой, кіріс осының шешуіне.

    • #17
    • Шын
    • сн, 18/05/2016 - 20:52

    Арыстанбек Алиев (Мухамедиулы) деген адамнын министр болуга акыл-парасаты жетпейтынын козы каракты азаматтар былды. Елдын мадениетын ардактайтын жоны тузу баска табылмаган гой. Алде куда-жегжатты билыкке кыздары суйреп жатыр ма? Бул не деген маскара озы? Сыбайлас-жемкорлыкпен осылай куресе ме сонда, сумдык болды.

    • #18
    • Шымқала
    • бн, 19/05/2016 - 0:15

    Əңгіме жоқ.))))

    • #19
    • yersin
    • бн, 19/05/2016 - 0:38

    жең ұшына жалғасқан жемқорлықтың салдарынан осындай қара көздеріміз өз елінде жүріп көп жерден қағылып жүр. бізді қолдайтын қорғайтын, кім бар осы. бұл мазақпа әлде қорлау ма?

    • #20
    • Мугжиза
    • бн, 19/05/2016 - 1:51

    Билік арасында төңкеріс пайда болып 25 жыл бойы ұры қары жемқор болып келгендерді әшкерлеп, жер дауын тоқтатып әділдік орнатқан адамды халық бірден қолдайды.

    • #21
    • Графен мугжизаныда че дейсіңбе ?
    • бн, 19/05/2016 - 1:52

    .

    • #22
    • Че
    • бн, 19/05/2016 - 2:10

    Мугжиза болса Касымовтын октарыда атылмас

    • #23
    • .
    • бн, 19/05/2016 - 2:35

    Керемет

    • #24
    • Түңілген
    • бн, 19/05/2016 - 5:25

    Іріп-шіріген билікті түп-тамырымен түгел ауыстырмаса Қазақ елі ешқашан алға жылжымайды.

    • #25
    • жанашыр
    • бн, 19/05/2016 - 7:04

    жазғанының бәрі дұрыс, "әм" дегені болмаса.

    • #26
    • жанашыр
    • бн, 19/05/2016 - 8:01

    Қайтсін Иманғали ағадан басқа үкімет басында халық сенер ешкім қалмады ғо ағамызды қинамасаңыздар екен

    • #27
    • Адайшал
    • бн, 19/05/2016 - 9:18

    АБАЙ КЗ, бүйтіп көлеңкеңнен қорыққанша жан сауғалап бір жеті демалысқа кетсеңдерші,

    • #28
    • а
    • бн, 19/05/2016 - 13:14

    Кезінде Аманжол Бұғыбаевқа СССР құрамасының бас тренері "Бұғыбаев, саған қазір әлемде тең келер балуан жоқ, сен Тагиевке әдістеріңді үйрет,өйткені, әлем чемпионатына сен бармайсың, ол барады, себебі, Тагиев-дағыстандық, ал, СССР құрамасының бас тренері Юрий Шахмурадов,яғни-мен де дағыстандықпын, ал, бізде басқаша болмайды,дұрыс түсін"-депті. Ал,бізде.., әй, қойшы...

    • #29
    • Арман апа
    • бн, 19/05/2016 - 14:27

    Иманғалиға осы хат жетеді деп әуре болмасаңыздар екен... Ол кісі отырған жерді "балықшылар" темір құрсаумен ешкімнің сөзі жетпейтіндей құрсаулап тастаған,өкінішке орай! Санаулы азаматтарымыздың осындай күйде болу себебі неден екеніне ой түбіне жете алар емеспін! Басымнан өткен соң айтып отырмын. Менің, әскери қызмет барысында опат болған офицердің анасының шырылдап жазған хатым да, газетке шыққан мақала да желге ұшып кетті ! Иманғалиға жетсе мәселе оң шешілетіні ақиқат әрине! Сіздерге ақ жол,мүмкін жолдарыңыз болып кетер.

    • #30
    • Қазақ
    • бн, 19/05/2016 - 15:56

    Ия бұрын КССРОның құрамында болып қазақтарды көтермеді, енді өз жерімізде өз қазағым тағыда əділетсіздік көріп отыр ма. Ондай жауыз сатқындардың көзін жоятын ғой ақшаға сатылған оңбағандарды тұқымымен құрту керек олар қазақты көктетпейді бəрібір

    • #31
    • а
    • бн, 19/05/2016 - 17:35

    Назым, алдыңғы ағаларыңның айтқаны-дұрыс. Уақытыңды өткізбей,ТМД мемлекеттерінің бірінің атынан түс Риоға баруға.

    • #32
    • Қарасай
    • бн, 19/05/2016 - 23:20

    Тап осындай жағдай , алыс құрлықта атағы жер жарып жүрген талантты боксшысымыз Қанат Исламның да басынан өткен еді. Олда қалың қазақтың ортасында жүріп, жетінің күйін кешкен.Əлікүнге дейін қалмай жүрген , қазақтың баласына жасалатын мұндай əділетсіздіктің тұманда сейіліп кететінінен үміт етемін.

    • #33
    • шыншыл
    • сб, 04/06/2016 - 14:25

    Недеген әділеттсіздік!Айтарға сөз табаалмайды екенсің.Мына Мыржықпайларды аяққа таптап мыжып тастау керек.Басқа емі жоқ.Құдайдың зауалы болсын!Біздің ақшаға сатылатын ардан безгенсатқын биліктен бәрі шығады .Балық басынан шіріген..

Пікір қосу

  • 10 + 44 =

Вход