Соңғы күндері әлеуметтік желілерде «ҚР Қорғаныс министрі Иманғали Тасмағанбетов үйқамаққа алынған болуы мүмкін» деген қауесет желдей есті. Артынша, ҚР Қорғаныс министрлігінің баспасөз қызметі мұны жоққа шығарды.

Рас, бүгінгіндей алмағайып кезеңде елдің айтулы саясаткерінің көзге көрінбей кетуі көп азаматтардың көкейіне күдік ұялатқан болуы керек. Десе де, бүгін Иманғали Нұрғалиұлы туралы министрліктің сайтында бір ақпарат жарияланды.

Ол ақпаратта Астанада ҚР Қорғаныс министрі Иманғали Тасмағамбетов IV халықаралық «KADEX-2016» көрмесін тамашалауға келген Біріккен Араб Әмірлігі Қарулы Күштері Бас штабының бастығы  генерал-лейтенант Хамад Мұхаммед Сәни әл-Румейсимен кездескені айтылған.

Abai.kz