Shyghys Qazaqstan oblysynyng әkimi Danial Kenjetayúly Ahmetov ótkende Kýrshimdik júrtpen kezdesipti. Óskemende. Sóitip, ózi basqaratyn ónirde ornalasqan shekaralyq aimaqtardy damytu ýshin oblys әkimdigi arnayy baghdarlama әzirleytinin aitypty. Búl turaly sayasatker Erlan Sairov әleumettik jelide habarlady.

Jazbadan úqqanymyz oblys әkimi Danial Ahmetov janaghy shekaralyq aimaqtardy damytu baghdarlamasy ShQO qúramyndaghy Katon-Qaraghaydy, Marqakóldi, Tarbaghatay men Maqanshyny qamtyghanymen, jeke audan bolyp qayta qalpyna keltirilmeydi depti-mis. Osyny aityp dabyl qaqqan Erlan Saiyrovtyng jazbasyn talqygha úsynghandy jón kórdik.

Erlan Sairov:

-ShQO әkimi Danial Ahmetov jaqynda Óskemende Kýrshim audanynyng aqsaqaldarymen kezdesip, oblys kóleminde shekaralyq aimaqtardy damytudyng arnayy baghdarlamasyn jasau turaly aitty.

Alayda, shekaralyq aimaqta ornalasqan Katon-Qaraghay, Marqakól, Tarbaghatay, Maqanshy audandary qayta qalpyna keltirilmeydi eken.

Men búghan nege mәn berip otyrmyn? Eger búl audandar jeke shekaralyq-әkimshilik birlik bolyp qúrylsa, onda sәikesinshe ol jaqqa maqsatty týrde aqsha audarylady. Al búl degeniniz – memleket osy aimaqtardyng adamy potensialyn qayta qalpyna keltiru ýshin naqty jaghday jasaydy degen sóz.

Alayda oblys әkimi búl audandardy qayta qalpyna keltiruden bas tartyp, sheshim qabyldapty. Meninshe, búl onyng jeke sheshimi bolghan siyaqty. Jergilikti sheneunikter men, mýmkin, respublikalyq masshtabtaghy birli-jarym sheneunikten basqa eshkimmen aqyldaspaghan boluy kerek.

Mine, ondaghan myng әpke-bauyrlarymyzgha qatysty sheshimder bizde osylay, kabiynetting ishinde, el-júrtpen aqyldaspay-aq, qabyldanady.

Qazirgi jýieni azamattargha qatysty taghdyrsheshti sheshimderdi qabyldauda sheneunikterding osy formaldylyghy qúrtady.

Mening aitpaghym, shekaralyq aimaqtardy damytu turaly baghdarlama formaldy týrde qabyldanady. Al shyndap kelgende mәsele sheshimin tappay jatady.  Árbir adamgha, olardyng talap-tilegine kelgende kónil bólinbeydi. Defisiyt.

Dәl osy shekaralyq aimaqtardan qazir júrt jappay kóship jatqany jasyryn emes. Júrttyng búlay ýdere kóshui bizding tarihymyzdaghy eng auyr kezenderding ózinde bolmaghan shyghar. Óskemen men Semeyding «dachalary» osy shekaralyq aimaqty tastap kelgendermen tolghan. Olardyng kәsiby júmystary da joq. Balalary balabaqshagha, tipti mektepke de ornalaspaghan boluy mýmkin. Álgi shekaralyq aimaqtan ketken keybir otbasylar sol boyy Almaty men Núr-Súltandy jaghalap jýr.

Mine, osylaysha shekaralyq aimaqtar júrtsyz, qanyrap bos qalyp jatyr. Bizding jogharghy lauazymdy shendilerimiz baryp demalghandy jaqsy kóretin Katon-Qaraghay men Marqakólde endi az degende júmys kýshi de qalmaydy. Olardyng ornyna әriyne, qytaylar nemese basqalar júmysshy bolyp keledi.

Bir ghana mysal, Marqakól audanynda 1992 jyly 25 mynnan astam adam túrsa, qazir bar-joghy 6 mynday ghana adam qalghan. Búl fakt!

Ondaghan myng adamnyng taghdyryn shesherlik múnday sheshimder (sheshkaralyq aimaqtardy damytugha qatysty) meyli, myng jerden tәjirbiyeli, jýz jerden avtoriytet bolsa da, bir ghana adamnyng maqúldauymen qabyldanbauy kerek.

Búl bizding últtyq qauipsizdigimizge qatysty, eldik mәsele! Men ShQO әkimdigin halyqtyng pikirimen sanasugha, olarmen aqyldasugha shaqyramyn. Halyqtyng mýddesine júmys jasau kerek. Búl mәsele barlyghymyzgha qatysty. Búl bizding eldigimizge qatysty mәsele. Qúday ýshin, adamgershilikten attamayyq. Múnday manyzdy sheshimning qabyldanuyna bәrimiz aralasuymyz kerek. Óz oi-pikirlerimizdi, úsynystarymyz ben talap-tilekterimizdi aituymyz kerek.

Men Ýkimet pen ShQO әkimdigine, shekaralyq aimaqtar turaly sheshim qabyldauda barlyghy ashyq әri jan-jaqty boluy kerek dep talap qoyamyn!

1. Áueli qoghamdyq tyndau boluy kerek. Oghan sol audandardyng túrghyndary men qogham ókilderi qatysuy kerek.

2. Respublikalyq masshtabtaghy sarapshylardyng qatysuymen dóngelek ýstel úiymdastyryluy kerek. Olar sol audandardyng әleumettik-ekonomikalyq ahualyn saraptauy kerek.

3. Oblys aumaghyndaghy ziyaly qauymnyng pikirin estu kerek.

Kez kelgen taghdyrsheshti mәsele qoghammen, halyqpen barynsha ashyq dialog arqyly talqynauy kerek. Tek sodan keyin ghana sheshim qabyldaugha bolady. Halyqtyng talabyn eskeru – mine, damudyng jana paradigmasy osy.

Jana zaman mәseleni sheshuding jana joldaryn talap etedi. Memleket mýddesi de osyny kózdeydi.  Men Danial Kenjetayúlyna qúrmetpen qaraymyn, biraq shyndyq odan joghary!

Abai.kz