Semeyding «Jenis» sayabaghynda Sovet odaghynyng batyry Mәnshýk Mәmetovagha arnalghan eskertkish qoyylypty. Ókinishtisi, aghashtan oiyp jasalghan mýsin óte úsqynsyz shyghyp, jergilikti túrghyndardyng narazylyghyn tudyrghan. Qazaqtyng batyr qyzynyng qorash beynesine әlemjeli qoldanushylary da qarsylyq tanytyp jatyr. 

Búl mәsele tónireginde naqty aqparatty arnapress.kz aqparattyq portaly jariyalady. Portaldyng jazuynsha, jergilikti túrghyndar búl mýsin Mәnshýk Mәmetovagha mýlde úqsamaydy dep esepteydi eken.

«Jana jylgha balabaqshalardyng birine aparyp qonggha bolady. Mystan kempirding ornyna. Biraq sayabaqta qalay bolsa solay jasalghan “óner tuyndysyna” oryn bolmauy kerek».

«Bizde talantty suretshiler sonday kóp…. solar qayda?….suretshiler kenesi qayda, eskizderi qayda … búl jobalardy kim bekitedi? Tómen dengeyde jasalghan, rasymen de balabaqshagha arnalghan…».

Búl jergilikti túrghyndardyng sózi.

Portal tilshileri tipti «shedevr» tuyndynyng avtorlaryn da tauyp, súhbat alghan eken. Mýsinshiler Yuliya Kurtunova jәne Ivan degen erli-zaypty azamattar kórinedi. Atalghan súhbattaghy sózderine qarasaq, búlar Semey ónirining adamdary emes sekildi. Tipti shetelden shaqyrylghan «sheberler» boluy da mýmkin.

«Búl sizderding keremet әkimderiniz Ermak Bidahmetúlynyng bastamasy. Ol bizdi osy qalagha aghashtan osynday skuliptura jasauymyz ýshin shaqyrdy. Múnday júmys tozaqpen ten. Áriyne, biz múnda kelip, qayrymdylyqpen ainalysyp jatqan joqpyz. Bizding tórt balamyz bar. Solardy asyrap baghuymyz kerek. Men sizge aitayyn, júmysymyz qymbat emes», - depti Yuliya Kurtunova.

Semeyding әkimi «joqtan tapqan» mýsinshiler ózderining Mәnshýk Mәmetovany salghanyna senimdi. Olar tipti narazylyq tanytushylardy "qolynan týk kelmeytinder" dep sanaytyn kórinedi. «Bizding júmysymyzgha teris pikirler jazghan adamdar eshtene istemey, bos jýrgender», - depti Kurtunova súhbatynda.

Atalghan jobagha tapsyrys berip, osy mýsinshilerdi attay qalap aldyrghan Semey qalasy әkimdigi búl jobagha júmsalghan naqty aqshany atay almaydy eken. Esesine ózderine týsinikti Resey elining tilinde sala qúlash týsinikteme beripti. Búl turaly әkimdik ózderining Instagram jelisinde jazdy.

Ákimdikting baspasózi taratqan aqparatqa sýiensek, qaladaghy bayyrghy aghashtar quray bastaghan. Arnayy sheshim boyynsha osy aghashtardy kesuge tura kelgen. Kóp aghashty beker otamas ýshin aghash mýsinining mamandaryn shaqyryp, mýsin jasatudy qolgha alghan. Osy joba ayasynda biz aityp otyrghan Batyr qyz - Mәnshýkting de mýsini jasalghan eken.

Áriyne, tәp-tәuir joba. Aghashty qúr keskenshe, kerekke jaratqan jón-aq. Alayda «әdemi bastalghan әn edi, púshyq kelip qor qoldy» degendey, júbay mýsinshiler jaqsy jobany jýndey týtip otyr. Biraq búghan qala әkimdigining ózderi kinәli. Qala kórkine kórik qosam dese, qolynan is keletin óz mýsinshilerimizdi úsynys etpey me?! Aty-jóni belgisiz ózge sheberlerdi shaqyramay-aq...

Ákimdikting baspasóz qyzmeti búl shaghyn sәulet nysandaryn qarjylandyru budjettik emes qorlardyng esebinen jýzege asyrylatyndyghyn aityp otyr. Sonymen qatar, dau tudyrghan mýsin ózge jerge kóshirligen kórinedi.

(Aytpaqshy Semey qalasy әkimdigining әleumettik jelidegi resmy paraqshalarynda memlekettik tilde aqparat mýlde az. Qazaqstannyng emes, Reseyding memlekettik tiline kóbirek mәn beredi eken. Búl taqyrypty aldaghy uaqytta bólek jazarmyz).

Osynday dau tudyryp, qoghamnyng talqysyna qalmas ýshin әkimdik qyzmetkerleri әu basta dúrys qadam jasauy kerek edi. Aghashtan týiin týietin jergilikti sheberlerdi shaqyryp, halyqqa jaqyn eskertkish ornatsa kim qoy dedi?!

Búnday shalaghay sharualar bizding sheneunikterde shash-etekten. Sauatsyz júmys isteydi, syn estigen song týzegen bolady. Eki júmys, eki shyghyn! Mýmkin olargha osy da tiyimdi shyghar. Qayta-qayta bólingen qarjy qaltagha jaqsy. «Altyn shyqqan jerdi belden qazugha» qazaq shendileri sheber-aq...

Múnday masqaralyqtyng birin ótken jyly jazghan edik. Almaty qalasy әkimdigining Tilderdi damytu, múraghattar jәne qújattama basqarmasy «Azia animation» degen kompaniyagha tapsyrys berip, «Er Tóstik» ertegisining jelisimen mulitfilim týsiripti. Bir qyzyghy ol kezde de otbasylyq sheberler qazaq ertegisin qalaghanynsha júlmalaghan edi.

Igori Kraus, Artur Kraus degen aghayyndy jigitter týsirgen mulitfilimdegi keyipkerler «týri qúbyjyq, adam etin jeydi, qazaqsha dúrys sóiley almaydy». Sóitip, Almaty qalasy әkimdigining Tilderdi damytu basqarmasy qazaq mentaliytetinen mýlde habary joq aghayyndy Kraustardyng qazaq ertegilerin kýstanalauyna jol bergen bolatyn. Búl mulitfilim keyin ashyq qordan joyylghanymen, «Azia animation» kompaniyasynyng qorjynynda búnday dýniyeler әli tolyp túr. Atyshuly «Aldar kóse» animasiyalyq filimin de osy aghayyndylar týsirgen.

Sóz sonynda aitarymyz, aidaladaghy bireuler qashanghy qazaq mәdeniyetin masqaralay beredi. Au, shendiler, halyq múrasyn qashanghy «ústaghannyng qolynda, tistegenning auzynda» jibere beresinder?! Kez-kelgen júmysty qolgha alarda jeti ret ólshep, bir ret kesu kerek qoy. Bolary bolyp, boyauy singen song tyrashtanyp qayta dúrystamay. Eng manyzdysy, osynday mәselelerde jogharygha beretin esep-qisaptyng «múzday» boluyn ghana emes, júmystyng nәtiyjesin basty nazarda ústaghan jón...

Quanysh Qappas

Abai.kz