Saghat tanghy 08:00. AQSh. Niu-York qalasy.
Osylaysha Dimashtyng Amerikadaghy konserti ayaqtaldy.

Al men býgin úiqydan mýldem basqa adam bolyp oyandym. Ómirimde birinshi ret men ózimning Qazaq degen halyqtyng qyzy ekendigimdi maqtan tútyp, keudem tola quanyshpen oyandym. Jýregim "men qazaqpyn!" dep dýrsildep oyandy.
Biraq ta, osy sezimmen әlemning eng alyp, eng keremet qalalarynyng birinde bola otyryp, býgin óz elimdi qatty saghyndym.

Shynymdy aitsam, osyghan deyin jer kólemi boyynsha 9-shy oryndaghy, jer asty paydaly qazbalargha óte bay, tarihy da, taghylymy da mol bolsa-daghy mening osynday elimdi eshkim bilmeytininen, mende azyraq bolsa da ózimdi kemshin últtyng qyzynday tómen sezinu, óz-ózime senbeuding bir týri bar edi, ony jasyryp qaytem?

Men osy últtyng óskeleng úrpaghy ekendigime úyalatynmyn da.
Bizdi meyli, eresekterimizding ózi búrynghy halyq әnderin bilmeytini jәne tyndamaytyny ýshin men býgin birinshi ret qatty úyaldym. Ýlkenderge kerek emes dýniye, bizge ne ýshin kerek deytinbiz. Beker ekenin sezindim...

Keshe týnde biz, qazaqtardyng ózderi qazaqtyng últtyq qúndylyqtaryn qanshalyqty baghalamaytynymyzdy anyq týsindim. Jýregim auyrdy... Jyladym....

Keshe osynau alyp el - Amerikada 15 mynnan astam adam Dimashpen birge halyq әni Daydidaudy qosyla shyrqaghan kezde... men jýregim jaryla jyladym!

Konsert ayaqtalghannan keyin, artyma qarasam, әrbir ýshinshi qonaqtyng qolynda mening elimning kók tuy jelbirep ketip barady.
Qanday maqtanysh desenizshi?!

Búl keshte maghan tipti tuymnyng týsi de mýldem basqasha ystyq qabyldandy.
Niu-Yorkte kórgenimderimning bәrin tilmen aityp jetkize almaymyn!
Dimash mening oiymdy týbegeyli ózgertti. Mening ruhymdy oyatty.
Túnghysh ret QAZAQ ekenime qatty quandym. Konsertten keyin, Dimash ózining dәl osyny bala kezinen armandaghanyn aitty. Amerika turaly emes, Amerikada әn saludy da emes, Amerikagha tipti býkil әlemge ózimen qosylyp qazaqtyng halyq әnderin jatqa aitqyzsam dep armandaghanyn aitty. Jәne ol múny jasady.

Keshegi "Barclays Arena"-da bolghan oqigha bizding tarihymyzda qalady. Men oghan senemin.

Qazaqstandyq jas әnshi әlem júldyzdary jinalghan auditoriyany jinap, amerikandyq myndaghan kórermendi qazaqtyng halyq әnderin shyrqatyp, dombyranyng ýnine jylatty.

Jasa, DIMASh!
Jasa, QAZAQ ELI!

Nazym Janghazinovanyng әleumettik jelidegi paraqshasynan

Abai.kz