QR Memlekettik qyzmet isteri agenttigining tóraghasy Anar Jayylghanova Preziydenttik jastar kadr rezervine engen qazaqstandyqtar turaly aityp berdi.

«Memleket Basshysy Qasym-Jomart Toqaevtyng «IYgilik barshagha! Sabaqtastyq. Ádildik. Órleu» saylaualdy baghdarlamasynda agenttikting aldyna Preziydenttik jastar kadr rezervin qalyptastyru mindeti qoyyldy. Býgin biz Preziydenttik jastar kadr rezervine irikteuding ayaqtalghanyn quanyshpen habarlaymyz», - dedi Anar Jayylghanova QR Preziydenti janyndaghy Ortalyq kommunikasiyalar qyzmetinde ótken baspasóz mәslihatynda.

Preziydent bastamasyna alghashynda 13 mynnan astam qazaqstandyq qatysugha niyet bildirgen edi. Qatysushylargha otyz bes jastan aspaghan, joghary bilimi jəne bes jyldan kem emes enbek ótili bar Qazaqstan Respublikasynyng azamaty boluy tiyis degen talaptar qoyyldy.

Qoyylghan talaptargha sәikes iriktelgen 300 rezervshining barlyghy 6 kezennen túratyn qatang irikteuden ótti.

«Jenimpazdar arasynda jeke sektordyng 106 ókili, kvaziymemlekettik sektordyng 98 qyzmetkeri jәne 96 memlekettik qyzmetker bar. Kandidattardyng 58% aldynghy qatarly sheteldik bilimi bar, 42% - qazaqstandyq JOO týlekteri. 6 adam ghylym doktory, 204 adam - magistr dәrejesine iye», - dedi Anar Jayylghanova.

Irikteu jenimpazdarynyng ortasha jasy 31-di qúrady. Sonymen birge, rezervshiler ekonomikanyng týrli salalarynda aitarlyqtay tәjiriybege iye. Olardyng kópshiligi ekonomikanyng týrli salalarynda iri sheteldik jәne transúlttyq kompaniyalarda júmys istegen nemese әli de júmys isteydi.

«Rezerv irikteuine shetelde jýrgen qazaqstandyqtar da belsene qatysty. Qatysushylar elimizding barlyq aimaqtarynan, sonday-aq jaqyn jәne alys shetelderden (Ázerbayjan, Úlybritaniya, Germaniya, Resey, Týrkiya jәne Fransiya) keldi. Ónirler arasynda ýmitkerlerding eng kóbi Almaty (46), Qaraghandy (41) jәne Shyghys Qazaqstan oblysynan (30) keldi», - dedi agenttik basshysy.

Últtyq komissiyanyng qarauyna tandalghan ýmitkerler qataryna týrli últ ókilderi bar, sonyng ishinde qazaqtar, orystar, әzerbayjandar, armyandar, nemister jәne tatarlar bar.

Ayta keteyik, Preziydenttik jastar kadr rezervine engen 300 ýzdik qazaqstandyqtar tizimin resmy sayttan kóruge bolady.

Abai.kz