Qasymnyng toyy - halyqtyng toyy bolyp dýrildedi. Qasym aqyn jayly aitylar әngime de, sherter syr da az bolmasa kerek. Ómiri jalyndy bolyp ótken otty aqyn jayly aitylyp jýrgen anyz ben aqiqattyng bir-birine miday aralasyp ketkenine ne dersiz. Ómirden jastay ótken Qasym jayly aitylghan san estelikter býginge kelip jetti. Onyng keshegi 80-90 jyldyghyndaghy aitylghan jaqsy әngimelerding sony býgingi ghasyr toyyna kelip jalghasty.

Qasymnyng toyy - halyqtyng toyy bolyp dýrildedi. Qasym aqyn jayly aitylar әngime de, sherter syr da az bolmasa kerek. Ómiri jalyndy bolyp ótken otty aqyn jayly aitylyp jýrgen anyz ben aqiqattyng bir-birine miday aralasyp ketkenine ne dersiz. Ómirden jastay ótken Qasym jayly aitylghan san estelikter býginge kelip jetti. Onyng keshegi 80-90 jyldyghyndaghy aitylghan jaqsy әngimelerding sony býgingi ghasyr toyyna kelip jalghasty.

Toydy respublika kóleminde layyqty týrde atap ótuding jan-jaqty sharalary Qaraghandy oblysy әkimining jeke bastamasymen kóterilip, Qazaqstan Respublikasy Mәdeniyet ministrligi men Jazushylar odaghy birlese qolgha aluy arqyly dittegen oidy jýzege asyrdy. «Toydyng bolghanynan da boladysy qyzyq» degendey, Qarqaralyda Qasym toyy ótedi degenge alys-jaqynda eleng etpegen jan joq shyghar.
Arqadaghy Qarqaralyny betke alyp aghylghan júrtta shek bolsayshy. Qyrkýiekting 9-10-y kýnderi qabyrghaly Qarqaralynyng tútas bir silemin sirestirip jatqan Kent tauynyng keng qoynauyna atalghan aidyng 6-shy júldyzynan bastap kerege kerilip, shanyraq kóterilip, aishylyq jerden kórinetin aqshanqan qalashyq ornady. Al endi tura osy negizi toy bastalar aldynda Qaraghandy qalasynda Qasym Amanjolovtyng eskertkishining ashyluy elding ensesin bir kóterip tastady. Eskertkishting ashyluynda oblys әkimi S.Ahmetov, qogham qayratkerleri O.Ábdikәrimov, Q.Súltanov, qalamgerler U.Qalijan, S.Dosanov, S.Smataev, M.Shahanov sóz sóiledi. Eskertkishten keyingi is-sharalardyng ishindegi auqymdysy oblys ortalyghynda ótken jyr mýshәirasy men aqyndar aitysy der edik.
Qazaqtyng qazaqtyghyn bildiretin aqyndar aitysy kim-kimning bolsa da delebesin qozdyryp, qiyalyn qalyqtatyp, oiyn ósire týskendey. Ot auyzdy, oraq tildi aqyndar Qasym aqynnyng jyrdan beynesin som­dap, keshegi men býgingini kópting kóz aldyna keltirgendey әdemi jyrdyng órmegin órdi.
Oblys basshysy S.Ahmetov ziyaly qauym ókilderimen kezdesip, emen-jarqyn әngimening ortagha salynuy­na úiytqy boldy. Oghan qatysqan әde­biyet, óner qayratkerleri Qasym poeziyasy jóninde keninen sóz qozghady.
«Qasym Amanjolov jәne jana dәuir poeziyasy» atty taqyrypta ótken ghylymiy-tәjiriybelik konferensiyada Qasym әlemine tereng taldau jasaldy. Konferensiyany Qaraghandy oblysy әkimining orynbasary A.Qyryqbaev kirispe sóz sóilep ashty. Osynda sóz sóilegen ghalymdar Serik Qirabaev, Túrsynbek Kәkishev, aqyn-jazushylar N.Orazaliyn, A.Baqtygereeva, F.Ongharsynova, M.Aytqojina, J.Shash­tayúly jәne basqalar Qasym múralarynyng qúndylyghyna toqtala kelip, aqynnyng shygharmalaryn keninen nasihattaugha baylanysty atqarylar sharalardy tizip ótti.
Qyrkýiekting 10 júldyzynda Kent tauynyng keng jazyghynda toy bastaldy. Jalpy, osy toygha Qaraghandy oblysyndaghy audan-qalalar men kәsiporyn mekemelerden bas-ayaghy 262 kiyiz ýy tigilgen eken.
Toy bastaldy degennen keyingi alghashqy sózdi Qazaqstan Respublikasynyng Mәdeniyet ministri Múhtar Qúl-Múhammed alyp, «Qasymnyng toyy - ghasyrdyng toyy» de­genning mәn-maghynasyna manyz berip, osynau iygi sharagha qatysushylar aldynda el Preziydentining arnayy joldaghan qúttyqtau hatyn oqyp berdi.
Oblys әkimi Serik Ahmetov mereytoymen qúttyqtap, aqyn toyyna arnalghan jyr mýshәirasy men aqyndar aitysynyng bas jýldegerlerine tigilgen arnayy jýldeni óz qolymen tabys etti. Jyr mýshәirasynda ózgelerden oq boyy ozyp shyqqan Qazaqstan Respublikasy Memlekettik syilyghynyng iyegeri, «Júldyz» jurnalynyng bas redaktory, aqyn Úlyqbek Esdәuletúlyna jyr mýshәirasyndaghy bas bәigege tigilgen «Djiyp» avtokóligi tabystaldy. Aqyndar Temirhan Medetbektin, Serik Túrghynbekovting jyrlary da jýldegerler qatarynan kórindi. Aqyndar aitysyndaghy dodada órnekti jyr, óreli oy aitqan belgili aitysker aqyn qyzymyz Aynúr Túrsynbaevagha sheteldik avtokólik tartu etildi. Bir aita keterligi oblys әkimining jeke úigharymymen jýz jasqa tolyp otyrghan Qasym aqynnyng aituly toyynda órshil aqynnyng otyn óshirmey otyrghan onyng úrpaghynyng da eleusiz qalmauy der edik. Aqynnyng qyzdary Darigha men Jannagha oblys ortalyghynan pәter, avtokólik syigha berildi. Osy quanyshty habargha júrtshylyq dýrkirete qol soghyp, bir silkinip quanyp qaldy. Shynynda da Qasymnyng toyy onyng otbasyna osylay bir iygi yqpal etui kerek-aq qoy. Búl da bolsa toy ótkizudi úiymdastyru alqasynyng oilastyrghan iygi shara­lary­nyng biri.
Qasym toyynyng dәl osy dengey­de dý­ril­dey ótuine oblys әkimdigi negizinen úiytqy boldy desek te, búl sharagha Mәdeniyet ministrligi men Jazushylar odaghynyng da atap aitarlyqtay atsalysqanyn angharu qiyn emes. Aqyn ómiri men shygharmashylyghy­nyng qadau-qadau kezenderin óreli oimen órnektep, kesteli tilmen kómkere jetkizgen belgili aqyn, halyqaralyq Alash syilyghynyng iyegeri, Jazushylar odaghy basqarmasy tóraghasynyng birinshi orynbasary Ghalym Jaylybaydyng Qasym jayly jasaghan bayandamasy júrtshylyqty riza etti.
Aqyn jayly aqynnan artyq kim aita alar. Aqúshtap Baqtygereeva Qasym aqyn jayly әserli aitty. Qasym aqynnyng Qarqaralyda tuyp, Oralda ómir sýrgen kezderi jayly jәne odan keyingi ot jalyndy jyldary jigi ajyramay Aqúshtap aitqan әdemi qalpynda aishyqty sózdermen órnekteldi.
Torqaly toyda sóz alyp, kesek-kesek oy tastaghan azamattar az bolmady. Qay-qaysysy bolsa da qazaqtyng Qasymyn qasterleu arqyly qazaq ólenining qúdiretin tanytqanday.
Oblys ortalyghyndaghy Sәken Seyfullin atyndaghy drama teatry­nyng újymy belgili rejisser Slambek Júmaghaliyding qoyylymy boyynsha Qasym ómirine arnalghan teatr­landyrylghan kórinis jasady. Jana tughan balagha Qasym dep at qoyylyp, onyng alghash jazghan jyrlary oqylyp, ómirindegi qadau-qadau kezender kóz aldynnan bir-birlep ótip jatyr. Beyne bir Qasym aqynmen osy qazir kezdesip túrghanday kýy keshesiz.
Qazaqy úghymda qay toy bolsa da at jarysynsyz, paluan kýresinsiz oigha orala qoymaydy. Qasym toyynda da alysqa at shauyp, bilekti paluandar beldesip, kýmis kómey әnshiler әuelete әn shyrqady. Toygha arnalghan is-sharanyng ekinshi bóligindegi at jarys kópshilikting kóz aldynda ótti. Qazaqstannyng әr ónirinen jәne sonau Omby men Orynbordan әdeyi arnap attaryn ýkilep kelgender bas bәigeden ýmit kýtti. 30 shaqyrymdyq alaman bәigege 30 at qosyldy. «Jýirikten jýirik ozar jarysqanda» degendey alaman bәigening bas jýldesi Qostanay oblysynan kelgen «Ajar» atty sәigýlikting qanjyghasyna baylandy. Paluandar kýresinde beldeskenderining bәrin jyghyp, týie paluan atanghan qaraghandylyq Erjan Shynkeevting mereyi ýstem boldy. Aqyn Qasymnyn, sazger Qasymnyng әnderin oryndaudyng jenimpazy anyqtalyp, búl marapatqa belgili әnshi Serjan Músayynov ie boldy. Toygha Qarqaraly men qanattas jatqan Astanadan «Saryarqa» sirk ortalyghynyng arnayy toby kelip, últtyq at sporty oiyndaryn kópshilikke úsyndy. Toyly auyldyng syrtyndaghy toy tóbening ýstinen etektegi jarysqa kóz salghan edik. Qyz quu men tenge aludyng sheberlerine sýisindik.
Aqyn toyynyng shoqtyghyn kóter­gen gala konsert desek qatelespespiz. Tanymal әnshilerding talayy kelipti. Memlekettik syilyqtyng iyegeri Maqpal Jýnisova әn saldy. Múnyng syrtynda audan, qalalardan kelgen belgili әnshi-kýishiler ónerlerin birinen biri asyrdy. Toydyng sәni әsem әn men tәtti kýy jýrekterdi terbep, kónildi kóterip, Qasym aqynnyn:
Men saghan qyzyghamyn keler úrpaq,
Qaraymyn kelbetine men tanyrqap.
Janghyrtyp jyr sarayyn sen kelgende,
Kórpemdi men jatarmyn qyrda qymtap,
- degen jyrynyng shyndyqqa úlasqanyn jalpaq júrtqa jariya etip jatqanday.

Batyrbek Myrzabekov

Qaraghandy oblysy

http://anatili.kz/?p=7402#more-7402