Biyl Qostanay oblysynda 50 myng avtokólik naryqqa shygharylmaq. Mamandar múny otandyq ónimge degen súranystyng artqany dep otyr. «QazAqparat» tilshisi jergilikti avtozauytqa baryp, kólik shygharu isimen etene tanysyp qayqan bolatyn.

Qazaqstannyng avtomobili ónerkәsibining tarihy jol talghamaytyn «Niva» jenil kólik qúrastyrudan bastau alghan. Múnan keyin elimizde «SaryarqaAvtoProm», «SemAZ», «KAMAZ-Injiniring», «Hyundai Trans Auto», «Daewoo Bus Kazakhstan» sekildi avtokólik qúrastyru kәsiporyndary sapqa qosyldy. Osy kәsiporyndar júmysynyng nәtiyjesinde elimizde avtoónerkәsip salasy payda boldy. Jyldan jylgha jetilip, qarqyndy damyp kele jatqan Qostanay oblysy kólik shygharudyng zamanauy tetikterine kóshken. Jana industriyalandyrudyng birinshi bes jyldyghynyng qorytyndysynda avtomobili óndirisi óndeu ónerkәsibindegi eng qarqyndy damushy sala retinde tanytty. «SaryarqaAvtoProm» zauyty әlemdik brend sanalatyn kólikterding 10 shaqty týrin qúrastyrady.

Qaynaghan qyzu tirlikting ortasynda dәnekerleu men syrlau sehynyng toby jýredi. Zauyt diyrektory Syrym Semeybaevtyng sózinshe, zauyt alghashqy ashylghanda tek dayyn bólshekter qúrastyrylatyn. Qazir ónimning otandyq ýlesi artqan.

«Óndiris auqymy da eselep ósip keledi. Byltyr 25 myng kólik qúrastyrsa, biyl jeliden shyghatyn kólik sanyn 50 myngha deyin jetkizu josparlanyp otyr. Óndiristing artuy tikeley súranysqa baylanysty», - dedi Syrym Semeybaev.

Dәulet Nysanbaev – dәnekerleu sehynyng brigadiyri. Qol astynda 10 júmysker bar.

«Biz ónimning negizgi júmysyna jauaptymyz. Avtomashinanyng kabinasyn qúrastyryp, kelesi sehqa dayyndaymyz. Olar boyap, shanaqtaryn iledi», - deydi seh brigadiyri.

Jalpy bir avtokólikti qúrastyrugha bir-eki tәulik uaqyt ketedi. Mәselen, bir ghana JAC markaly avtokólik úsaq torap tәsilimen óndiriledi. Búl tәsilding ózi ishinen birneshe bólikke jikteledi.

«Eng әueli kuzov bóligin ólsheymiz. Keyin esigin tandap, mólsherin esepteymiz. Múnan song dayyn bólshekterdi dәnekerleu júmystary bastalady. Úsaq-týiek júmys bolyp kóringenimen, asa jauapkershilikpen qaraudy talap etedi. Syrlap, boyau jaqqan song shanaqtaryn biriktirip, iri bólshekterin jalghaymyz. Úsaq torapty әdispen kólik qúrau shamamen osylay jýredi. Bir tәulik ishinde 15-16 kólikting qorabyn dayyndaymyz», - dep týsindirdi Dәulet Nysanbaev.

Seh brigadiyrining zauytta jýrgenine 6 jyl. Júmysyn dәnekerleushi maman bolyp bastaghan. Kórsetkishteri elenip, seh basshylyghyna deyin kóterildi. Bastapqyda ózge de jergilikti mamandarmen birge Qytaydaghy zauytqa baryp tәjiriybe jinap qaytqan. Dәulet Nysanbaevtan Qytay sapary turaly súradyq.

«Kәsibimning negizi Qostanay oblysynda qalandy. Qalghany tek tәjiriybe jinau ghoy. Ol jaqta ózime kerektini ýirendim. Biraq jergilikti zauyttyng dayyndau jýiesi únaydy. Júmysqa túrghan song kәsibindi arttyryp, shyndalugha mýmkindik bolady. Áueli teoriyany ýirenesin, tәjiriybelik júmystar birshama uaqyttan song beriledi. Ábden mengerip alghan song kólik qúrastyrugha kirisuge bolady. Qazir shetelden mamandar kelip, ýiretip datyr ghoy. Olar kóbine tehnologiya prosesine asa mәn beredi», - dedi D.Nysanbaev júmysy turaly.

Sonymen, Qostanay oblysyndaghy avtozauyttyng býgingi tynysy osy. Qazir qostanaylyqtar Ázerbayjan, Resey, Tәjikstan, Ózbekstan elderining naryghyna shyqqan. Memlekettik qoldaudyng arqasynda býginde otandyq avtokólikterding eksporttyq әleueti joghary. Endigi meje – jyl sonyna deyin 50 myng avtokólik qúrastyru.

Abai.kz