Qúrmetti búqaralyq aqparat qúraldary qyzmetkerleri!

Barshanyzdy býgingi merekelerinizben shyn jýrekten qúttyqtaymyn!

Ózderinizge mәlim, byltyr mening arnayy tapsyrmammen 28 mausym Búqaralyq aqparat qúraldary qyzmetkerlerining kýni bolyp belgilendi. Osy arqyly búl sala mamandarynyng kәsiby merekesin derbes atap ótuge mýmkindik jasaldy.

Búdan bir ghasyrgha juyq uaqyt búryn últ ústazy Ahmet Baytúrsynúly «Gazet – halyqtyng kózi, qúlaghy hәm tili» dep bagha bergen edi. Búl úlaghatty sózdi qazir tek basylymdargha ghana emes, barlyq elektrondy aqparat qúraldaryna, aqparat agenttikterine qatysty qoldanugha bolady.

Sizderding jazghan әrbir maqalalarynyzda, dayyndaghan sujetterinizde elding múny men múqtajy, oiy men pikiri, talaby men tilegi, qogham damuynyng tynysy aiqyn kórinis tauyp otyr. Óitkeni, júmys barysynda júrtpen etene aralasyp, «Halyq ýnine qúlaq asatyn memleket» qaghidatyn jýzege asyrugha zor enbek sinirdinizder. Sonymen qatar, kәsiby biliktilikteriniz arqyly memleketimizding kósh basyndaghy órkeniyetti elderding qataryna qosyluy ýshin ólsheusiz ýles qosyp kelesizder.

Qazaqstan jurnalistikasy ózining qalyptasu kezeninen bastap memleketshildik, eldik, últtyq qúndylyqtardy dәripteu, osy úly úghymdargha adal bolu baghytyn ústanady. Qarymdy qalamgerler qalyptastyrghan dәstýrdi keyingi tolqyn jurnalister de layyqty jalghastyra bildi. Qazir elimizdegi barlyq búqaralyq aqparat qúraldary Qazaqstannyng memlekettiligin nyghaytu, elimizde jýrgizilip jatqan reformalardy halyqqa jetkizu jolynda kýsh biriktirude.

Jurnalist bolu ýshin kәsiby biliktilikke qosa, batyldyq pen tabandylyq kerek. Ózgening mәselesine janashyrlyq tanytyp, әrbir iske jauapkershilikpen qaraytyn, júrt júmysyna jegilip, elding kem-ketigin týgendeuge tyrysatyn,  qoghamdaghy týitkilderge parasat biyiginen kóz salatyn jәne últtyq dengeyde oilay biletin jurnalisti býkil halyq qúrmetteydi.

Ol ýshin eng aldymen Otangha degen  sýiispenshilik jәne elge adaldyq sekildi qasiyetter qajet. Qazaqstannyng búqaralyq aqparat qúraldarynyng ókilderi býginde osy túrghydan oy tolghap, mәsele kóteruge beyimdelude. Búl shynayy patriotizmning kórinisi dep bilemin.

Sizderding elge janashyrlyqtarynyz qazirgidey qiyn-qystau kezende anyq bayqaldy. Qashanda irgeli isting basynda jýretin jurnalister әlem damuyna keri әser etken osynau daghdarys túsynda alghy shepten tabyldy. Býkil әlemning tynysyn taryltqan pandemiya kezinde sizder densaulyq saqtau jәne qúqyq qorghau qyzmetkerlerimen birge ayanbay enbek ettinizder.

Otandyq jurnalister sәt sayyn shartarapqa aqparat taratumen qatar, memleket pen qoghamdy baylanystyratyn altyn kópir qyzmetin de atqarady. Sizderding búl saladaghy atqarghan isterinizdi jaqsy bilemiz jәne baghalaymyz.

Bizding birligimiz bekem, maqsatymyz ortaq, ruhymyz asqaq. Sonyng arqasynda kez-kelgen qiyndyqty jenip, jasampazdyq pen órleu jolynda jana belesterdi baghyndyramyz dep senemin.

Sizderge myqty densaulyq, baq-bereke jәne tolayym tabys tileymin!

Abai.kz