Qazir "Atameken" kәsipkerler palatasy "Biznes -bastau" atty onlayn kurs ótkizip jatyr. Búryn bir ay ótetin kurs eki aptagha qysqarghan. Eki aptada ýide kәsip ashqysy kelgen analar 64 sabaqpen tanysyp, tapsyrma oryndauy, biznes jospar jasap ýlgerui qajet. Kýnine 11 sabaqqa deyin oqugha bolady. Senbi-jeksenbi demalmay oqyp jatqan keybir analardy Palata orta joldan shygharyp jibergen. Sebep, sabaqqa eki kýn kirmegen. Bir ana 17, ekinshisi 27-
sabaqta shyghyp qalghan. Búl turaly aldyn ala eskertilmegen.

Jalpy onlayn-oqu degen, uaqytty shektemeytin oqu emes pe? Kýndiz oqy ma, týnde oqy ma, emtihangha deyin tanysyp, mengerse boldy emes pe? Álde "Atameken" palatasy Qazaqstanda barlyq túrghyngha joghary jyldamdyqty internet qoljetimdi, ýide otyrghan analardyng barlyghynda noutbuk bar dep oilay ma? Bir ananyng internet trafiygi bitip qalghan, ekinshisinde telefon synyp, sabaqqa kiruge mýmkindik joghaltqan.

Jalpy búl oqu memlekettik "Enbek" - halyqty júmyspen qamtu" baghdarlamasy ayasynda ótip jatqan kurs. Endeshe Palata oqimyn degen adamgha kәsipkerlik negizderin qanday da bir kedergilerge qaramastan berui tiyis. Sebebi, búl baghdarlamagha respublikalyq budjetten qomaqty qarjy bólingen. Qyrkýiekke deyin Qaraghandyda "Biznes -bastaudy" 1800 adam oqyp, sertifikat aluy tiyis. Al mynanday qatang talappen qansha adam sertifikat almaq?

Jalpy "Atameken" karantin kýsheyip túrghan kezde sabaq sanyn qysqartqany dúrys. Ekinshiden, ekining birinde tymau, eki ókpesi qabynghan jaqyny bar adamdy ekrangha telmirtip, oqudan orta joldan shygharyp jiberui elding salyn týsirip jiberdi. Búl kurs - kәsip ashu ýshin 555 myng grant útyp, 4 payyzdyq nesie alugha aparatyn baspaldaq. Búl kurstyng sertifikatynsyz grantqa da, jenildetilgen nesiyege de qújat qabyldamaydy. Endeshe ony nege "Atameken" qiyndatyp jibergen?

Oqudan shyghyp qalghandargha, 6 shildede ótetin kelesi kursqa qabyldanasyz depti. Osy joly talay adam ilinbegen. Qatysushylar sany shekteuli. Kelesi kursty kýtushi kóp. Endi olardyng ornyn osy joly shyghyp qalghandarmen toltyrady. Sonda birinen birine ysyryp, oquy tiyis 1800 adamnyng esebin osylay jappaq pa?

Búryn múnday kursqa qatysushylargha shәkirtaqy tóleytin. Biyl oqu onlayn bolghandyqtan, ol joq. Halyq shәkirtaqysyz da oqugha yntaly. Bilim berse eken deydi. Oqu oqyghan adamda keleshekke degen ýmit oyanady, kәsip ashugha yntalanghan adam kóp. Mýmkindik berinizder.

Biyl atauly kómek alatyndar "Bastau-biznes" oqymasa da 555 mynnyng grantyna qatysa alady degen jenildik endi. Alayda, oqu oqymay qatysqandardyng eshqaysy búl grantty útpady. Negiz bolmasa, biznes jospardy qalay jasamaq?

Qaraghandy qalasynda 25-26 shildede ótken 555 myng tengening qaytarymsyz grant bayqauyna 86 adam qújat tapsyrypty. Onyng ishinde 22 adam grant útqan. Meninshe óte az.

Jazdyng ortasy boldy. Júrt oquyn oqyp, grantyn útyp, nesiyesin rәsimdep, qara kýzge deyin kәsibin ashugha qamdanuy kerek. Kýzde kýn suytqanda TJ kýrdelenbesine kim kepil beredi? Sol sebepti "Biznes-bastau" kursyna qatysushylardy jýz adamnan ghana shektemey, aqyry onlayn ótip jatqan oqudy birneshe potok qylyp, 500 adamgha deyin bir mezette oqytugha kóshse degen úsynysym bar. Sebebi búl kurstyng sertifikaty ýsh jylgha jaramdy.

Bilim alghan adamda, kәsip ashsam degen oy payda bolady, izdenedi. Karantinnen taryqpay shyghugha el de mýddeli. Biyik minberlerde aitylghan memlekettik baghdarlamalar shynymen de iske assa eken.

Lәzzat Qojahmetting әleumettik jelidegi jazbasy

Abai.kz