Deyv Breylsford degen bar. Úlybritaniyanyng velosportynda revolusiya jasaghan kisi. Ol 2003 jyly velosport federasiyasynyng tizginin óz qolyna aldy.

Aghylshyndardyng qolynan velosiyped tebu emes, dop tebu ghana keledi dep jýrgen kezen. Olar sonau 1908 jyly olimpiadada velosporttan jalghyz ghana altyn alghan. Sodan beri dym joq. Tur de Franstyng tarihynda da birde-bir ret mәre syzyghyn birinshi bolyp kesip kórmegen. Tipti aty bar veloóndirushiler «abyroyymyzgha núqsan keledi» dep, aghylshyndardyng velokomandasyna velosiyped satudan bas tartqan. Odan ótken abyroysyzdyq bola ma?!

Osy tústa federasiyagha Deyv Breylsford keledi. Ol ne isteydi deysiz ghoy? Onyng strategiyasy mynaghan sayady: júmysty 1% bolsa da toqtamay jetildirip otyru. Sóitti de sәt sayyn synalap ózgeris engize bastady. Mәselen, velosiypedting oryndyqtaryn ózgertti. 1% bolsa da jyldamdyq artty ma? Dóngelekter jolgha dúrys jabysu ýshin olardy spirtpen sýrtti. Taghy da 1% jetildi. Sportshylardyng búlshyq etteri jaqsy júmys isteu ýshin ishinde elektrjylytqyshy bar kiyim tiktirdi. Jyldamdyqqa 1% bolsa da әser etti me? Tipti sportshylar virus júqtyrmas ýshin qalay juynyp, gigiyenany qalay saqtaugha deyin ýiretti. Ony ýiretu ýshin arnayy maman jaldady. Áytpese, bir sportshy mezgilsiz auyryp qalsa, komandanyng jalpy kórsetkishine oida joqta keri әser etedi.

Sonymen ne deysiz ghoy? Bes jyldan song 2008 jyly Pekinde ótken olimpiadada britandyqtar tas jol men trek jarysynda ýlestirilgen altynnyng 60%-yn jenip aldy. Sodan song tórt jyldan keyin Londonda ótken olimpiadada 9 olimpiada, 7 әlem rekordyn janartty.

Aghylshyndar 2012-2017 jyldar aralyghynda, alty jyldyng ishinde Tur de Fransty bes ret jendi.

Jalpy, 2007-2017 jyldary, on jylda britandyqtar 178 әlemdik birinshilikte velosportta jýlde alghan. Onyng ishinde olimpiada jәne paralimpiada oiyndarynda 66 altyn alypty.

Bir ghasyr túralaghan aghylshyn velosporty bes jylda shyngha bir-aq shyqty. Revolusiya emes pe! Biraq búl revolusiya bir kýnde bola qalghan joq. Jetistik 1%-dyq ilgerleumen, tabandap, tipti elilep keldi.

Preziydentting janyndaghy Últtyng keneske mýshe bolghanyma 5 ay bolypty. Osy uaqyt ishinde bir ret otyrysy ótti. Biraq negizgi júmys kýnde jýrip jatyr. Kenes mýsheleri qoghamda bolyp jatqan barlyq jaghday boyynsha Aqordanyng qúlaghyn shulatady. Shulatyp qana qoymaydy, mәsele naqty sheshilgenshe tabandap túryp alady. Qoghamnyng ýni kóbine biylikting sheshimimen ýndesip jatqanyn kórip otyrmyz. Ot pen sudyng arasynda Karin Erlan jýredi. Erekene onay emes. Kenesting 44 mýshesimen júmys istegennen 44 qasqyr baqqan onay bolar.

Songhy mamyr-mausym ailarynda birneshe asa manyzdy ózgeris boldy. Sonyng biri beybit jinalystardy ótkizu habarlamalyq tәrtippen iske asatyn boldy. Búryn miting ótkizu ýshin rúqsat súraytyn, qazir úiymdastyrushylar tek habarlaydy. Búl, endi asa manyzdy, biraq óte qiyn engen ózgeris. Sonymen birge, sayasy partiyany tirkeuge qajet mýshe sany eki esege azaydy. Odan bólek, parlamenttik oppozisiya instiuty endi. Sayasy partiyalargha onyng bereri kóp. Erteng kóresizder. Oghan qosa, jala jabu Qylmystyq kodeksten alynyp, әkimshilik is bolyp qaldy. Qansha uaqyttan beri shu bolyp kele jatqan bap. Sayasy reformalar boyynsha ilgerileu bar. Endi virustan keyingi kezende búl baghyt әleumettik jәne ekonomikalyq reformalarmen jalghasatynyna senemin.

Bayqaymyn, kóp ózgeris qiyn jýrip jatyr. Bir jerden oqyp edim: «Jetistik – velosiypedpen taugha shyqqan sekildi. Qiyn bolsa, demek ilgeri kele jatyrsyz». Eng bastysy, 1% ózgeris sәt sayyn ýzdiksiz enip otyruy tiyis.

Shynghys Múqannyng jazbasy

Abai.kz