Reseyding Ryazani qalasy manyndaghy әskery bólimning aumaghynda oq-dәri qoymasy jarylyp, eki túrghyn auruhanagha jetkizildi. Jarylystan zardap shekken әiel adamnyng jaghdayy asa auyr ekeni aitylghan. Búl turaly RIA Novostiy mәlimdedi. 

Belgili bolghanday, kýndiz saghat 13.20 shamasynda Ryazani oblysynyng Jeltuhino eldi mekeni manyndaghy Batys әskery okrugining snaryadtar qoymasy aumaghynda shóp órtengen. Órt birtindep artilleriyalyq qaru-jaraq qoymasyna qaray jayylyp ketken.

Oqighagha baylanysty «Kaspiy» federaldyq tasjoly jabylghan.

Áskery okrugting baspasóz qyzmeti ot tiygen oq-dәrilerding әrbir 5-10 sekund sayyn jarylyp jatqanyn mәlimdedi.

«Áskery bólimning shtattyq órt sóndiru bólimi otty auyzdyqtaugha tyrysqanymen, órtti toqtatu mýmkin bolmay qaldy. Oq-dәriler jarylysynan zardap shekken eki túrghyn Skopinskidegi aimaqaralyq medisinalyq ortalyqqa jetkizildi. Shamamen, 45 jastaghy әiel adam auyr jaghdayda jansaqtau bólimine jatqyzyldy. Ol bassýiek-my jaraqatyn alghan. Al 53 jastaghy er adam ortasha auyr jaghdayda travmatologiyalyq bólimge jatqyzyldy», – delingen agenttik habarlamasynda.

Qazirgi uaqytta jarylys bolyp jatqan aumaqtan 3 shaqyrym qashyqtyqta ornalasqan auyl túrghyndary qauipsiz jerge kóshirildi.

Abai.kz