Koronavirustyng ekinshi tolqynyna dayyndyq ayasynda 8,2 milliard tengege tapshy jәne qajet 44 dәri satyp alyndy. Búl turaly densaulyq saqtau ministri Aleksey Soy aitty.

Býgin ýkimet otyrysynda ministr halyqty dәri-dәrmek qúraldarymen jәne medisinalyq búiymdarmen qamtamasyz etu mәselesi turaly esep berdi. Soy COVID-19 ekinshi tolqynyna dayyndyq qyzu jýrip jatqanyn atap ótti.

"Kýz-qys mausymdarynda koronavirustyng jana tolqyny boluy mýmkin degen kýdikpen birqatar júmys jýrgizildi. Birinshiden, birynghay distribiutordyng (SQ Farmasiya - eskertu) qoymalarynda 2 ailyq dәri-dәrmekting azaymaytyn qoryn qalyptastyru. 8,2 milliard tengege tapshy jәne qajet 44 dәrining týri satyp alynyp jatyr. Ol bir aigha shamamen stasionarlardaghy 60 myng nauqasty emdeuge eseptelgen. Dәri-dәrmekting azaymaytyn qory ótinimnen tys densaulyq saqtau ministrligining boljamy boyynsha saqtyq sharasy ýshin satyp alynyp jatyr", - dedi ministr.

Onyng aituynsha, COVID-19 boyynsha 2 aigha eseptelgen dәri-dәrmek qory birynghay distribiutordyng (SQ Farmasiya - eskertu) habynda saqtalady.

"2020 jyldyng 15 qazanyndaghy mәlimet boyynsha 5,92 milliard tengege 37 dәrining týri satyp alyndy. Búl shara dәri-dәrmekting rezervin qúrugha mýmkindik beredi", - dedi Soy.

Ayta keteyik, Qazaqstanda 109 623 adam COVID-19 júqtyrdy. 105 145 nauqas aiyqty, 1 768 adam qaytys boldy.

Abai.kz