Býgin Mәjilisting jalpy otyrysynda «Qazaqstan Respublikasynyng keybir zannamalyq aktilerine dene shynyqtyru jәne sport mәseleleri boyynsha ózgerister men tolyqtyrular engizu turaly» zang jobasy talqylandy.

Zang jobasyn Mәdeniyet jәne sport ministri Aqtoty Rayymqúlova tanystyryp, sport klubtaryna bólinetin qarjy kólemi turaly aitty.

«Elimizde jalpy 98 kәsiby sport kluby bar. Olar jergilikti atqarushy organdar esebinen qarjylandyrady. Keybireui demeushilerden aqsha alady, yaghni, últtyq kompaniyalar men jeke kәsipkerler aqsha bóledi. Analiz jasap, kәsiby sport klubtaryn ústaugha ketetin qarajat dengeyin tómendetude úsynyp otyrmyz. Oinaytyn da, oinamaytyn da klubtar birynghay tariftik setkagha kóshsin dep otyrmyz. Sonymen qatar, sportshylar men jattyqtyrushylardyn, klubta júmys isteytin ózge de qyzmetkerlerding jalaqysy boyynsha birynghay tarif bekitudi úsyndyq. Qazir 98 kәsiby sport klubtaryn qarjylandyrugha jyl sayyn 55,5 mlrd tenge qarajat ketedi», - dedi súraqqa jauap bere bastaghan Aqtoty Rayymqúlova.

Ministrding aituynsha, jyl sayyn sportty damytugha 160 mlrd tenge bólinedi. Sonyng ishinde kәsiby sport klubtaryna 55,5 mlrd tenge qarastyrylghan.

«Jergilikti atqarushy organdardan 55,5 mlrd tenge, qosymsha «Astana» sport klubyna «Samúryq-Qazynadan» qosymsha 27 mlrd tenge bólinedi. Biz Ýkimetke osy qarajatty eki esege azaytyp, qysqarghan 22,5 mlrd tengeni búqaralyq sportty damytugha júmsayyq degen úsynyspen shyqtyq. Úsynysty Ýkimetke engizdik», - dedi Rayymqúlova.

Abai.kz