Óskemen qalasynda jalyn sharpyghan jer ýiden mýmkindigi shekteuli eki adam shygha almay qalghan. Sol kezde oqigha ornyna órt sóndirushilerden búryn jetken polisiya qyzmetkerleri Qanat Qasymhanov pen Mirhat Ginayatov esh kidirmesten olardy qútqarugha úmtyldy.

Oqigha 7 jeltoqsan kýni saghat 07.40-shamasynda boldy. «102» jedel arnasyna Kamchatskaya kóshesindegi jeke túrghyn ýiding órtenip jatqany jayly habar týsken. Sol jerge lezde qalalyq Polisiya basqarmasy patrulidik polisiya batalionynyng qyzmetkerleri Qanat Qasymhanov pen Mirhat Ginayatov kelip jetedi.

«Ýiding aldynda bir top adam jinalyp qalypty. «Búl ýide kim túrady?» dep súradyq. Sol kezde olar múnda mýgedek eki kisining túratyndyghy jayly aitty. Qaqpanyng esigi jabyq bolghandyqtan әriptesim ekeuimiz sekirip ishke endik. Osy mezette ýy ishinen aiqaylaghan dauystar estildi», - deydi agha leytenant Qanat Qasymhanov.

Tәrtip saqshylary órt sóndirushilerding kelip jetkenin kýtip túrmay terezeni shaghyp ýige kirgen.

«Adam ómirine qauip tóngende oilanugha uaqyt joq. Syn saghatta dereu әreket etpesek kesh qaluymyz mýmkin. Áyteuir degende bir bólmeden әiel adamdy taptyq. Artynan anyqtalghanday, oghan iyis tiygen eken», - deydi poliysey.

Polisiya qyzmetkerleri ony kóterip tereze arqyly syrtqa shygharghan. Sol kezde әiel ýide arbagha tanylghan apayynyng qalyp qoyghanyn jetkizdi. Saqshylar qaytadan ishke kirip izdeuge kiristi. Biraq ýidi túmshalaghan qoi týtin men laulaghan ot bet qaratpady. Mine osy uaqytta órt sóndirushiler kelip jetken. Qútqarushylar kóp úzamay ekinshi әieldi tauyp aldy. Olargha oqigha ornynda jedel jәrdem qyzmetkerleri alghashqy medisinalyq kómek kórsetken. Osylaysha, mýmkindigi shekteuli eki әiel de aman qaldy.

Kýrshim audanynda dýniyege kelgen Qanat Qasymhanovtyng qúqyq qorghau organynda qyzmet etip jýrgenine 14 jyldan asypty. Ýilengen, eki balasy bar. Al Óskemen qalasynda 1996 jyly tughan Mirhat Ginayatov әzirshe boydaq. Saqshylardyng sózinshe, oqigha qas-qaghym sәtte óte shyqqan. Býginde olardyng erlikteri baghalanyp, ShQO Polisiya departamentining bastyghy Saghat Mәdiyevting qolynan gramota aldy.

Abai.kz