Braziliyanyng Qazaqstan Respublikasyndaghy Elshiligi Astana (Núr-Súltan) qalasynda 2006 jyly ashylghanynan bәrimiz habardarmyz. 2020 jyldyng 3 nauryzynda, yaghni, pandemiya kezinde Qazaqstangha jana elshi bolyp Rubem Korrea Barboza taghayyndaldy. 

Onyng Stan.kz aqparat agenttigine bergen myna súhbatty «Men Qazaqpyn» degen jandy ishin kýidire egilte jylatady:

«Birneshe ay oqshaulanghan song seruendeuge mýmkindik bolghan joq, sondyqtan osy uaqyt aralyghynda orys tilin ýirendim. Ony qazaq múghalimi, óte enbekqor, óz isine adal, talapshyl qyzdan ýirenudemin. Tildi ýirenudegi ilgerileuim osy kisining arqasy».

Osy joldardy qanyng qaynay otyryp, oqyghan shaqta bizde ashylghan shetel elshilikteri tek kórshi elding memleket tilinde sóileytindigi qalypty qúbylysqa ainalyp ketkendigine kóz jetkizemiz. Oghan ne biylik, ne sayasy partiyalar esh mәn bermeytindigi, eshbir aldyn alu sharalaryn qoldanbaytyny qazaqtyng memlekettik sanasyna syzat týsiredi eken. 

Biyshikeshter arasyndaghy «biyl 30 jyldyqty dýrkiretip toylaymyz, keudege syldyratyp medali taghamyz», dep alaqtay shapqylaytyndar osynday masqara dәstýrge tyiym saludy qashan oigha alady eken?

Búl últ tәnine basylghan masqara kýie TMD elderinde tek Belarus pen Qazaqstanda ghana oryn alyp otyr. Alash jerine kelip, onyng elining tilin bilmeytin elshi qazaq pen óz halqyn qalay jaqyndastyrady. Búl orys tildi biylikting qazaqqa jasap otyrghan jaulyghy dep, barmaqty tisteleuden basqa esh nәrse istey almay kelemiz...

Ábil-Serik Áliakbar

Abai.kz