1953-jyly 5 nauryzda adamzat tarihyndaghy eng qanqúily diktatordyng biri Iosif Stalin ómirden ótti. KSRO basshysynyng ólimi kenes halqy ýshin kýtpegen jaghday boldy. Myndaghan adam qayghyryp, onyng bar zúlymdyghyn eskermesten enseleri ezildi. Stalindi jerleu rәsimi 9 nauryzgha belgilendi.

9 nauryz kýni Stalinmen birge jýzdegen adam o dýniyege attandy. Alayda ol jayly KSRO taraghansha aitylghan emes, búl jabyq taqyryptardyng biri boldy.

Stalin 5 nauryz kýni, saghat 21:50-de ómirden ótti. Halyqqa Stalinning ólimi jayly 6 nauryz kýni, tanghy saghat 06:00-de diktor Yuriy Levitan habarlady.

Stalinmen biylik jәne halyq qoshtasuy ýshin, onyng mýrdesi Kenester ýiining ýlken zalyna aparyldy. 8 nauryzgha deyin tek qana memleket qyzmetkerleri, әskeriyler men joghary lauazym iyeleri, sheteldik delegasiya mýsheleri ghana Stalinning mýrdesin kóruge mýmkindik aldy.

Búl uaqytqa deyin KSRO kósemimen qoshtasugha niyetti halyqtyng sany milliondap sanaldy. 8 nauryz kýni halyq úzynsonar kezekke túrdy. Key derekter boyynsha halyqtyng sany eki millionnan asqan. Týs aua Stalindi kóruge qarapayym halyqty da kirgize bastady. Búl aqparat jergilikti túrghyndar arasynda lezde tarap, keshke jinalghan halyqtyng sany tipti artty. Jýz myndaghan halyq Mәskeuding ortalyq alanyna aghyldy. Áskeriyler joldy qorshap túrghanymen, halyqty kirgizudi jalghastyra berdi. Ortalyq alang milliondaghan adamgha arnalmaghan bolatyn. Arnayy syzylghan baghyt arqyly jýrgen kópshilik bir-birin myjyp, taptap tastady. Qysym payda bolyp, aua jetpey jýzdegen adam kóz júmdy. Resmy derek boyynsha sol kýni Mәskeude 450 adam kóz júmghan. Al beyresmy derekkózder qaytys bolghandardyng sany 2 mynnan asady deydi. Resmy túrghydan kóz júmghandardyng barlyghyn jýrek talmasy, oqys oqighadan kóz júmdy dep kórsetti.

Stalinning jerleuinde kóptegen adamnyng qaza tapqany úzaq jyldar boyy aitylmady. Búl Resey imperiyasyndaghy Hodyn alanyndaghy qayghyly oqigha ispetti jabyq taqyryptyng biri boldy.

Abai.kz