Janaózende «Búrghylau» múnay servis kompaniyasyna merdiger «Firkroft»  JShS-ining jýzge tarta júmysshysy jalaqy ósirudi talap etip, ereuilge shyqty. Búl turaly jergilikti aqparat agenttikteri habarlady.

Júmysshylardyng sózine sýiengen Vlast saytynyng jazuynsha, 19 sәuirde enbek inspeksiyasy, qala әkimining orynbasary men kenesshisimen kezdesuden nәtiyje shyqpaghan.

Internette taraghan viydeolardyng birinde preziydent Qasym-Jomart Toqaev pen qala әkimi Serikbay Túrymovqa ýndeu joldaghan júmysshylar 19 sәuirden bastap júmysyn toqtatqanyn habarlaydy.

- «Sebebi osy kýnge deyin Janaózen qalasynyng әkimdigi jәne búrghylau mekemesining basshylary bizding mәselelerimizdi sheshe almady. Sebebi, kóptegen zansyzdyqtar oryn alyp jatyr. Osy zansyzdyqtar ýsh kýn ishinde sheshilmese, Janaózen qalasynyng múnay salasy mekemelerinen yntymaqtastyq bildiruin súraymyz. Atap aitqanda, «Ózenmúnaygaz», «Búrghylau» jәne ózge múnay kompaniyalary» dep júmysshylardyng biri ýndeudi oqyp bergen.

«Bәse» arnasy taratqan viydeoda «Búrghylau» kompaniyasynyng bas diyrektory Mústaqim Berkaliyevting ereuilshilermen kelissóz jýrgizip jatqany kórinedi. Júmysshylar talaptarynyng birneshe jyldan beri oryndalmay kele jatqanyna shaghymdanady. Olardyng keybiri talaptaryn oryndatu ýshin astanagha deyin baratynyn aityp eskertedi.

Júmysshylardyng biri Vlast saytyna kelissózden nәtiyje shyqpaghanyn habarlaghan.

Byltyr preziydent Qasym-Jomart Toqaev Enbek kodeksine enetin týzetulerdi maqúldap, soghan sәikes autsorsing kompaniya qyzmetkerleri ózderin jaldaytyn kәsiporyn qyzmetkerlerimen teng jalaqy aluy tiyis bolghan. Biraq soghan qaramastan 2018 jyly «Firkroft»  JShS-imen kelisimge qol qoyghan «Búrghylau» kompaniyasy merdiger kompaniya júmysshylarynyng jalaqylaryn ósirmey, kodeks erejelerin oryndamay otyr deydi júmysshylar.

Qazaqstanda songhy kezde jalaqy ósirudi talap etken múnayshylar ereuili jiyiledi. Ótken aptada Qyzylorda oblysynda «Quat Amlon Múnay» kompaniyasynyng 300-den astam júmysshysy jalaqy ósirudi talap etken. Onyng aldynda Aqtóbede múnayshylar júmys berushi kompaniyagha sonday talap qoyghan.

Abai.kz