«Zang barshagha ortaq, bireuge jala japtyng ba, sot aldynda aitqan sózing ýshin jauap ber!». Mәjilis deputaty Elnúr Beysenbaev oppozisioner Janbolat Mamaydyng Nur Otan partiyasy tóraghasynyng birinshi orynbasary Bauyrjan Baybekke qatysty jariyalaghan viydeosyna pikir bildirip, osylay depti.

«Búl sasqan ýirek artymen jýzedi degenning keypi. Qanday debat, adamgha jala japtyng ba, endi sottyng aldynda jauap ber. Aytylghan sóz – atylghan oq. Zang sayasatkerge de, qarapayym adamdargha ortaq. Ol erteng sot otyrysyn debat retinde paydalansyn, sol jerge býkil dәlelderin alyp kelip, aitqan sózderine jauap bersin», - dedi E.Beysenbaev jurnalist Nartay Araylbayúlymen bolghan súhbatta.

Ayta keteyik, búghan deyin qogham belsendisi Janbolat Mamay Bauyrjan Baybekti aiyptap viydeorolik jariyalaghan bolatyn. Artynsha B.Baybek bloger Tәnirbergen Berdongharovqa bergen súhbatynda Mamaydyng taqqan әrbir aiybyna jauap berip, ony sotqa beretinin aitqan edi.

«Búl – presedent. Búghan deyin Mamay Nur Otan-gha qatysty talay jala japty. Biraq, Bauyrjan Baybek oghan shýilikken de joq, nazar da audarghan joq. Biraq, mәsele jeke basyna kelgende ol óz abyroyyn qorghap otyr. Biz sayasy mәdeniyetti el qúramyz desek, әrbir sózimizge, isimizge jauap beruimiz kerek», - dedi deputat.

Elnúr Beysenbaev Janbolat Mamaymen birneshe jyl búryn bir baghytta júmys isteskenin, talay is-sharany birge ótkizgenin aityp, qazir joldary ekige aiyrylghanyn aitty. Al, sóz sonynda ol Janbolat Mamaydy ashyq debatqa shaqyrdy.

Abai.kz