Osy kezge deyin elimizde 9 mamyr Jenis kýni retinde atalyp ótiletin. Zaman ózgerdi, qúndylyqtar da jana biyikke kóterildi. 9 mamyr – endi bizge is jýzinde Ekinshi jahan soghysy qúrbandaryn eske alu kýnine ainalugha tiyis. Endi bizge bir-birimizdi jenis kýnimen qúttyqtaudyng qajeti joq! Kórgende bir-birimizge «Alla taghala batyr babalarymyzdy sheyitterding qatarynan etsin!» desek jetip jatyr.

Ekinshi jahan soghysynda әskery qimyldar Batys Europa, Jerorta tenizi, Afrika qúrlyghy, Ontýstik-Shyghys Aziya jәne Shyghys Europa siyaqty bes soghys teatrynda ótti. Sonyng tórteuinde AQSh pen Úlybritaniya jeniske jetti. Songhy Shyghys Europadaghy sovet-german soghysynda jeniske jetken – SSSR. Fashistik Germaniyany jengen Qazaqstan da, tipti Resey de emes sol – Sovet Odaghy. Býginde Sovet Odaghy da, qandy shayqastargha qatysqan maydangerler de kelmesting kemesine mingen. Ol soghysqa qatyspaghandyqtan Tәuelsiz Qazaqstan ýshin 9 mamyr Jenis kýni bola almaydy!

Biz 70 millionnan astam adam ómirin jalmaghan Ekinshi jahan soghysyna mәjbýrlikpen qatysqan, qazaqstandyqtardy, qazaq halqynyng batyr úl-qyzdaryn, okoptyng qay jaghynda bolsa da qaza tapqan shahidterimizdi qasterlep eske alamyz. Ekinshi jahan soghysy jyldarynda Qazaqstannan alghy shepke attanghan 1,5 mln adamnyng teng jartysyna juyghy maydan dalasynan oralmady. Jaraly bolyp, qalghan ómirin mýgedektikpen ótkizgender qanshama?!

Biz ýshin býginde sovet әskeri qatarynda bolghan babalarymyz da, Qazaqstandy bolishevikterden erterek tazartu jolynda maydannyng arghy betinde qaru ústaghan qandastarymyz da qymbat! Biz fashistik jәne sovettik konslagerlerde týrli azaptaulargha úshyraghan, fashistik jәne sovettik jendetterding qolynan qaza tapqan úl-qyzdarymyzdy úmytpaymyz. Ekinshi jahan soghysyna qatysqan, qaza bolghan, keyin soghys jaraqatynan kóz júmghandar da jadymyzda. Olardy birin qaldyrmay týgendeu jәne tarihy túrghydan aqtau býgingi úrpaqtyng qasiyetti mindeti.

Ekinshi jahan soghysy qúrbandaryn eske alu kýninde oghan qatysqan barsha bozdaqtarymyzdy eske alamyz! Alla taghaladan olargha sheyittik mәrtebe tәn bolsyn! Olargha Bәdir soghysy arystandarynyng abyroyy búiyrsyn!
Qiyamet-qayymgha deyin olardyng erligi úmytylmaydy!

Marat Bәidildaúly

Abai.kz