Belgili sayasatker, qogham qayratkeri Múhtar Tayjan preziydent Qasym-Jomart Toqavqa talap qoyyp, Ýkimetti qayta jasaqtaudy úsyndy.

Úsynys:

Qasym-Jomart Kemelúly, halyq senetin Ýkimet qúrynyz!

Auyl sharuashylyghyna arnalghan aumaghy óte ýlken el Qazaqstanda sәbizding qúny 735 tengege jetip, 1,5 dollardy qúrap otyr. Jәne búl - memlekettik subsidiya jyldar boyy qúiylyp jatqan saladaghy jaghday. Jayylym joqtyghynan mal ashtan ólip, kóterem bolyp, qoqys, karton jep jatyr! Múnyng bәri jýzdegen jyldar boyy mal baqqan kóne kóshpendiler elinde oryn alyp otyr!

Búl – songhy jyldardaghy ekonomikalyq sayasattyng qanshalyqty soraqy ekeninen shynayy da tura habar beretin kórsetkish. Babalarymyzdan múra bolyp qalghan, keleshek úrpaqqa tiyesili últtyq qorymyz sarqylugha jaqyn túr. Ótken jyly sol jyly týsken qarjynyng 96 payyzy júmsalyp ketti.

Endi Ý kimet azyq-týlik baghasyn әkimshilik jolmen rettegisi keledi. Onday bolsa memlekettik jospar jýiesin engizip, ekonomikany memleket menshigine ótkizinizder! Búl – adamnyng kýlkisin keltiretin: «poyyz, toqta, bir-eki!» degen anekdot qoy... Naryqtyq ekonomikada baghany – búiryq, jarlyqtarmen emes, úsynysty kóbeytu arqyly týsiretinin estimep pe ediniz?

Ekonomikamyzdyng barsha salasyn túralatyp, jogharyda bayandalghan kýisiz nәtiyjege jetkizgen klandar men oligarhtyq toptarmen baylanys-shatysy joq adamdar Ýkimetke kirui tiyis ekenine bek senemin!

Óz basym halyq aldynda jauapkershilik arqalap, elimizdi ekonomikalyq daghdarystan shygharugha әzirmin!

Múhtar Tayjan

Mamin «krizis menedjer» bola almady

Qazaqstan Respublikasynyng premier-ministri Asqar Maminning qyzmetine aitylatyn syn men min kóp. Songhy eki jyldyqtaghy pandemiya el Ýkimetining daghdarys uaqytynda tiyimdi sheshim qabyldau qabiletining joqtyghyn kórsetti.

Premier-ministr ol – «krizis menedjer» boluy tiyis. Asqar Mamin ózin ol taraptan kórsete almady. Júmyssyzdyq sany artty, densaulyq salasy kýtpegen qiyndyqty kótere almady, ekonomika túralap qaldy. Endi oghan aspandap túrghan azyq-týlik baghasyn taghy qosynyz. Demek, logikagha say premier-ministrdi auystyryp, Ýkimetti qayta jasaqtau kerek. Siz qalay oilaysyz?..

Abai.kz