Qazaqstannyng qant zauyttary reseylik bәsekelesterining kesirinen óz júmysyn toqatudyng az-aq aldynda. Óitkeni, osy uaqytqa deyin elimizding qant naryghynyng 60%-gha juyghyn orystar men belarustar jaulap alghan.

Osyghan qatysty Merke men Taraz qant zauyttarynyng baqylau kenesining tóraghasy Núrjan Qayyrbaev:

«Biz EAEO birtútas ekonomikalyq aimaghynda júmys istegendikten bizding naryqtaghy kórshilerimizdegi baghanyng auytquy bizding naryqqa da әser etedi. Biylghy jylghy qant-shiykizaty men aq qanttyng óte qymbattap ketkeni, әlemdik bagha ósuindegi ýrdis», - dep óz týsindirgen.

Elimizde otandastarymyzdyng qajettiligin qantpen qamtamasyz etip otyrghan 4 zauyt bar. Dәl qazir Aqsu men Merke zauyttary óz júmystaryn toqtatty. Al, qalghan ekeuining ishinde, aiyna 25 myng tonna shygharatyn Taraz qant zauyty bar bolghany aiyna 15-17 myng tonna ónim óndiruge kóshken.

Búl jayynda BAQ ókilderine Núrjan Qayyrbaev:

«4 qazaqstyndyq zauyt 75 reseylik jәne 4 belorustyq zauyttarmen bәsekelestikke tótep bere almaydy. Naryq ortaq bolghandyqtan ony orys pen belarustar óndirgen qant jaulap aldy. Jambyl oblysynda qant qyzylshasy az ósiriledi, sondyqtan barlyq ónimdi óndeu ýshin Merke zauyty bar-joghy 75 kýnin isteydi», - deydi.

Qazaq qant zauyttary ýshin qol jetimdi shiykizat alugha EAEO ishinde tosqauyl qoyylghan. Odan shyghudyng jalghyz joly – juyq arada qant qyzylshasyn ósiretin fermelerdi yntalandyru. Áytpese, resey komaniyalary qazaq qant óndirisin besiginde túnshyqtyrady. Qol jetimdi shiykizatsyz biz óz naryghymyzdy qorghap qala almaymyz.

Qalyptasqan jaghday asa auyr, sondyqtan otandyq ónimdi tútynushy retinde búdan bylay bizding biylik qazaqstandyqtardy óz qantymyzben qamtamasyz etuge ynta tantytar degen oidamyz.

Taqyrypqa túzdyq retinde aita keteyik, dәl qazir Qazaqstanda qant tapshylyghy joq. Alayda importqa tәueldilik eselep artqan. Búl turaly Qazaqstannyng Bәsekelestikti qorghau jәne damytu agenttigining tóraghasy Serik Júmangharinmen kezdesude qant tamaq jәne qayta óndeu ónerkәsibi, qant óndirushi zauyttar qauymdastyghynyng ókilderi mәlimdegen.

Ábil-Serik Áliakbar

Abai.kz