Facebook-te COVID-19-gha qarsy vaksinasiyalanbaghan balalardy mektepke jibermeydi, al vaksinasiyadan bas tartu mektep oqushylaryn bilim alu konstitusiyalyq qúqyghynan aiyratyny turaly habarlama tarady. Búl aqparattyng jalghan ekenin stopfake.kz jazdy, dep habarlaydy «Adyrna» portaly.

Habarlamada avtor QR Densaulyq saqtau ministri Aleksey Soydyng sózine sýienedi.

Aghymdaghy jyldyng 19 shildesinde «Habar 24» telearnasynyng efiyrinde ministr Qazaqstangha Pfizer/BioNTech óndirgen COVID-19-gha qarsy vaksinany jetkizu jospary jayly bayandady. Býgingi tanda búl preparat klinikalyq synaqtardan ótip, 12 jastan asqan jasóspirimderdi vaksinasiyalau ýshin maqúldanghan.

Alayda búl bizding elimizde 12 jastan asqan oqushylargha vaksinasiya mindetti bolady jәne onsyz balalar mektepke bara almay, kemsitushilikke úshyraydy degenning belgisi emes. Aleksey Soy múnday mәlimdeme jasaghan joq.

Birinshiden, Pfizer/BioNTech vaksinasynyng alghashqy partiyasy osy jyldyng qazan aiynda, yaghny oqu jyly bastalghannan keyin әkelinui mýmkin. Ekinshiden, densaulyq saqtau ministrining ózi habarlaghanday, balalardy COVID-19-gha qarsy vaksinasiyalau tek erikti týrde ghana jýrgiziledi jәne kәmeletke tolmaghandar ata-analarynyng kelisimimen ghana egiledi.

Demek ekpe saldyrmaghan balalardy bilim alugha konstitusiyalyq qúqyghynan aiyrady degen qaueset negizsiz jәne shyndyqqa janaspaydy. Qazaqstandyq oqushylar vaksinasiya mәrtebesine qaramastan bilim alatyn bolady.

Abai.kz