Almatyda atys bolyp, bes adam qaza tapty. Búl turaly Tengrinews.kz-ke silteme jasap, Abai.kz habarlaydy. 

Polisiya qyzmetkerlerining mәlimetinshe, 20 qyrkýiekte, saghat 17.00-de  "Aqbúlaq" shaghyn audanynda atys boldy.

Ýiden shygharu turaly sot qaulysyn oryndau kezinde osy ýiding túrghyny - 1967 jyly tughan er adam ozbyrlyq kórsetip, sot oryndaushylaryna, uchaskelik polisiya inspektorlaryna, tótenshe jaghday qyzmetkerlerine qarudan oq jaudyrghan. Bes adam, onyng ishinde qyzmettik mindetterin atqaryp jýrgen eki polisiya qyzmetkeri oqtan jaraqat alyp, qaytys boldy.

Kýdikti ústaldy. Jaghday baqylauda. Qylmystyq is qozghaldy. Tergeu sharalary jýrgizilip jatyr.

Qaza tapqan polisiya qyzmetkerleri:

Alatau audandyq PB JPQB uchaskelik inspektory, polisiya mayory Sýleev Darhan Dauylbayúly 1982 jyly tughan.

Alatau audandyq PB JPQB uchaskelik inspektory, polisiya kapitany Bayghaziyev Núrbol Nazarbayúly 1988 jyly tughan.

Almaty qalasy polisiya departamenti bastyghynyng orynbasary Rustam Abdrahmanovtyng aituynsha, oq atqan adam ómir boyyna bas bostandyghynan aiyryluy mýmkin.

«Eki nemese odan da kóp adamgha qatysty kisi óltiru» baby boyynsha tergeu bastaldy. Búl qylmys ýshin 20 jylgha deyin bas bostandyghynan aiyru nemese ómir boyyna bas bostandyghynan aiyru jazasy qarastyrylghan.

Kýdikti arnayy jasaqtyng qatysuymen ústaldy. Qaru qoldanylmaghan, óitkeni ýide әielder men kәmeletke tolmaghan balalar bolghan.

Qazir oqigha ornyn poliyseyler qorshap aldy. Túrghyndar men azamattargha eshqanday qauip joq»,- dedi Ábdirahmanov.

Sonday-aq, ol er adamnyng anshy myltyghynan oq atqanyn atap ótti.

Abai.kz