Býgin әlemdik qauymdastyqtyng nazary Soltýstik Koreyagha audy. Soltýstik Koreya basshylyghy alghash ret giyperdybysty zymyrandy synaqtan ótkizgenin resmy túrghydan mәlimdedi. Atalmysh zymyran arqyly yadrolyq soqqy jasau mýmkindigining eselep artqanyn da aita ketti. 

Koreyanyng ortalyq aqparattyq qyzmetining habarlauynsha zymyran memlekettik mýddeni qorghauda orasan zor kýshke ie jәne "strategiyalyq qaru" retinde tirkeletin bolady. "Rodong Sinmun" gazeti zymyrannyng úshyrylghan suretin jariyalap, ony "naghyz jetistik" dep jazghan.

Soltýstik Koreya ózining qorghanys salasyn әlemdik qauymdastyqtyng qysymy men sanksiyalaryna qaramastan artyrugha niyetti. Ekonomikasyna ziyany tiyetinine qaramastan yadrolyq qarudy damytu men sýnguir qayyqtar jasau tehnologiyasyn jetildiruge songhy ýsh jylda eki ese kóp qarjy bólingen.

Giyperdybysty zymyrandy synau barysynda Kim Chen Yn qatyspaghan. Synaqty Soltýstik Koreyadaghy bedeldi sheneunik Pak Djong Chon tikeley qadaghalaghan. "Alghashqy synaq barysynda zymyrannyng jyldamdyghy men úshu túraqtylyghy qarastyryldy" dep jazdy resmy aqparat kózderi. Zymyran Hwasong-8 atty ataugha ie bolyp, joghary nәtiyje kórsetkeni de aityluda.

Karnegy qorynyng qyzmetkeri, halyqaralyq zymyran synaqtary boyynsha sarapshy Ankita Pandanyng mәlimetinshe Hwasong zymyrandary súiyq janarmaymen úshady. "Búl 2017 jyldan keyingi Soltýstik Koreyadaghy alghashqy súiyq janarmayda zymyrandy synaqtan ótkizu bolyp otyr", - dep jazdy ol ózining Twitter paraqshasyna.

Qyrkýiek aiynda Soltýstik Koreya ýsh mәrte synaq jasap, aimaqtaghy túraqsyzdyqqa negiz boluda. Ontýstik Koreya da qyrkýiek aiynda eki mәrte zymyran úshyrap, synaq jasady. Alghash ret sýnguir qayyqtan zymyran úshyryp, qorghanys salasyndaghy jetistigin kórsetti. Kýni keshe ghana Seul zymyran tasushy ýshinshi sýnguir qayyghyn qoldanysqa berdi, al sol sәtte Soltýsitk Koreya giyperdybysty zymyran synaghyn jasady.

Mamandar giyperdybysty zymyrandardy anyqtau jәne odan qorghanu qiyn ekenin aituda. Sebebi zymyrannyng úshu traektoriyasyn anyqtau mýmkin emes. "Soltýsitk Koreyanyng zymyrandardy súiyq janarmaymen jyldam arada toltyru tehnologiyasyn iygerui, olardyng zymyran úshyru qabiletin arttyrady. Óz kezeginde basqa memleketterding zymyrandy úshyrmay túryp zymyran jýiesine soqqy jasau mýmkindigi kemy týspek. Soltýstik Koreya ózi mәlimdegendey barlyq tehnologiyany joghary sapada iygerui әriyne ekitalay. Alayda Pheniyan giyperdybysty zymyrangha yadrolyq oqtúmsyq jasaudy ýirense, ol aimaqtyq qauipsizdikke orasan zor qater bolmaq" deydi AQSh sarapshylary.

Bayden biylikke kelgeli beri Soltýstik Koreyamen AQSh arasyndaghy qatynas birshama qarama-qayshylyqtargha tap boluda. Tramp biylikte bolghan sәtte Kimmen kelissózder ótkizuge tyrysty. Degenmen 2019 jyly ol kelissózder tyghyryqqa tirelip, nәtiyjesiz ayaqtaldy.

Ótken aptada Soltýstik Koreya 1950-53 jyldardaghy soghys әli ayaqtalmady dep mәlimdedi. Búl Seuldi alandatyp otyr. Mamandar Soltýstik Koreyadaghy әleumettik jaghdaydyng tym nasharlap ketkenin, halyqtyng ashtyqqa úshyrau qaupin eskerip, biylik el nazaryn basqa tarapqa búrughy tyrysyp jatqanyn aituda. Demek alda taghy da zymyran synaqtary men aimaqtyq shiyelenisti arttyratyn әreketter jalghasyn tappaq.

Abai.kz