Bokstan Ózbekstan últtyq qúramasynyng jattyqtyrushysy Rahmatjon Ruziahunov 2021 jylghy әlem chempionatynda jetekshiligindegi sportshysy Hasanboy Dusmatovtyng qazaqstandyq Sәken Bibosynovtan jeniliske úshyraghanyna pikir bildirip, apellyasiyalyq shaghym týsirgenin aitty. Búl turaly Sports.uz -ke silteme jasap, Vesti.kz sayty jazdy.

Qarsylastar turnirding birinshi ainalymynda 51 kelige deyingi salmaq dәrejesinde kezdesip, tóreshiler birauyzdan jenisti Bibosynovqa berdi. Osydan keyin jaljal oryn ala bastady.

«Hasanboydyng kәsipqoy bokspen ainalysqanyna eki jyl boldy. Sondyqtan onyng soqqy sanyna qaraghanda, kýshi artqan. Nysanagha dәl tiygen auyr soqqylardy eskersek, ol qazaqstandyq qarsylasyn jendi deuge bolady. Jekpe-jekten keyin biz raundtardy qarap shyghyp, óz esebimizdi jýrgizdik. Olardyng barlyghynan Hasanboydyng kóp soqqylar júmsaghanyn bayqadyq. Biz jekpe-jekke emonionaldy emes, beytarap týrde qaradyq. Sodan keyin apellyasiyalyq shaghym týsirdik. Úrysty kórgen tóreshiler boksshymyzdyng ekinshi raundta jeniske jetkenin habarlady. Eger jekpe-jek kezinde dәl osy nәtiyje aitylghanda, ýshinshi raundta Dusmatov әldeqayda sabyrly týrde әreket etetin edi. Nәtiyjesinde, songhy raundty boksshymyz qorqynysh pen tәuekelmen ótkizdi. Qazaqstan qúramasynyng bapkerleri mol tәjiriybege iye. Sol sebepti olardyng óz boksshylaryna ýshinshi raundta abay boludy eskertkenderi anyq», – dedi Ózbekstan qúramasynyng jattyqtyrushysy.

Ózbekstan qúramasynyng osy әlem chempionatynda bes boksshysynyng jarystan shyghyp qalghanyn aita keteyik.

Abai.kz